بىلتىر جالپى ۇزىندىعى 15 كم بولاتىن 18 كوشە ورتاشا جوندەۋدەن ءوتتى، 1،3 كم تروتۋار جەلىسى سالىندى جانە 8 مەكەنجايدا تروتۋارلار رەتكە كەلتىرىلدى. بۇل تۋرالى المالى اۋدانىنىڭ تۇرعىندارىمەن كەزدەسۋدە قالا اكىمى ەربولات دوسايەۆ ايتتى
2023 جىلى جالپى ۇزىندىعى 16،6 كم بولاتىن 26 كوشەگە ورتاشا جوندەۋ جۇمىستارى جۇرگىزىلەدى.
اۋەزوۆ كوشەسى رايىمبەك داڭعىلىنا دەيىن ۇزارتىلدى، سونىمەن قاتار، تۇرعىنداردىڭ ءوتىنىشى بويىنشا 3 كوشەگە ءبىر باعىتتاعى قوزعالىس ەنگىزىلدى.
وتكەن جىلى جاياۋ جۇرگىنشىلەردىڭ قاۋىپسىزدىگىن قامتاماسىز ەتۋ ءۇشىن بايسەيىتوۆا، ابىلاي حان، تىلەندييەۆ، بوگەنباي باتىر، تولە بي، روزىباقييەۆ ، قۇرمانعازى، گوگول كوشەلەرىنە 13 جاڭا باعدارشام ورناتىلدى. مامىر ايىنىڭ سوڭىنا دەيىن تاعى 16 باعدارشام ورناتۋعا جوبالاۋ-سمەتالىق قۇجاتتاما ازىرلەنەدى. بۇل جۇمىس قىركۇيەك ايىندا باستالادى.