بيىل الەمدىك ەكونوميكا ءۇشىن وتە اۋىر جىل بولدى

گەوساياسي جانە ەكونوميكالىق سىن-قاتەرلەرمەن بەتپە-بەت كەلدى.

قازاقستان پرەزيدەنتى قاسىم-جومارت توقايەۆ جوعارى ەۋرازيالىق ەكونوميكالىق كەڭەسىنىڭ وتىرىسىندا بيىلعى جىل الەمدىك ەكونوميكا ءۇشىن وتە اۋىر جىل بولعانىن ايتتى، دەپ حابارلايدى Almaty-akshamy.kz  Egemen.kz سىلتەمە جاساپ.

پرەزيدەنت جەلتوقسان ايىنداعى كەزدەسۋلەردە ءداستۇرلى تۇردە بىرلەسكەن جۇمىستى قورىتىندىلاپ، الداعى كەزەڭدە اتقاراتىن مىندەتتەردىڭ ايقىندالاتىنىن ايتتى.

 «بيىل الەمدىك ەكونوميكا ءۇشىن وتە اۋىر جىل بولدى. حالىقارالىق قوعامداستىق پاندەميا زاردابىنان ايىعىپ ۇلگەرمەي جاتىپ، جاڭا گەوساياسي جانە ەكونوميكالىق سىن-قاتەرلەرمەن بەتپە-بەت كەلدى»، - دەدى مەملەكەت باسشىسى. 

سونداي-اق قاسىم-جومارت كەمەل ۇلى بۇگىندە الەمدەگى ساۋدا-ساتتىقتى ايتارلىقتاي شەكتەيتىن ءتۇرلى تىيىمدار، كۆوتالار مەن باج سالىقتارى ەنگىزىلىپ جاتقانىنا دا توقتالدى.

«ەاەو اياسىنداعى ىنتىماقتاستىعىمىز جاھاندىق ۇردىستەردەن ەرەكشەلەنەتىنى كەلەشەككە سەنىم ۇيالاتادى. سىرتقى فاكتورلاردىڭ قىسىمىنا قاراماستان، قازاقستاننىڭ ەاەو-عا مۇشە ەلدەرمەن تاۋار اينالىمى قاڭتار-قازان ايلارىندا 7 پايىزعا ءوسىپ، 23 ميلليارد دوللارعا جەتتى. بىرلەسكەن اۋقىمدى جوبالار جۇزەگە اسىرىلىپ جاتىر»، - دەدى قاسىم-جومارت توقايەۆ.