29 ماۋسىم كۇنى الماتى قالاسى وڭىرلىك كوممۋنيكاسيالار قىزمەتىنىڭ الاڭىندا «حالىقتىڭ بيۋدجەتكە قاتىسۋى» جوباسىنا قالا تۇرعىندارىنىڭ قاتىسۋ ماسەلەلەرى تۋرالى باسپا ءسوز كونفەرەنسياسى ءوتتى، دەپ حابارلايدى اlmaty-akshamy.kz.
ءىس-شارانىڭ سپيكەرلەرى – الماتى قالاسى قارجى باسقارماسى باسشىسىنىڭ مىندەتىن اتقارۋشى التىناي تولەۋتايەۆا جانە «الماتى قالاسىن دامىتۋ ورتالىعى» اق باسقارۋشى ديرەكتورى ايدا مۇستافينوۆا.
2019 جىلى الماتى اكىمدىگى قازاقستاندا العاش رەت «حالىقتىڭ بيۋدجەتكە قاتىسۋى» پيلوتتىق جوباسىن ىسكە اسىرۋدى باستادى، ونىڭ ماقساتى تۇرعىنداردىڭ باستامالارى مەن ۇسىنىستارى نەگىزىندە قالا اۋداندارىن دامىتۋ جانە اباتتاندىرۋ.
2019 جىلى الماتى تۇرعىندارىنان 333، ال 2020 جىلى 795 باستاما ءتۇستى. وتكەن جىلى قالا تۇرعىندارى ءوز اۋلالارىن، كوشەلەرىن جانە اۋداندارىن دامىتۋعا جانە اباتتاندىرۋعا 934 ۇسىنىس بەردى.
وتكەن جىلدىڭ قورىتىندىسى بويىنشا، قالا تۇرعىندارىنىڭ باستاماسىنا قاتىستى الماتىدا جالپى قۇنى 5،4 ملرد تەڭگە بولاتىن 256 جوبا ىسكە اسىرىلىپ، پايدالانۋعا بەرىلدى. ىسكە اسىرىلعان جوبالاردىڭ ىشىندە الاتاۋ اۋدانىنىڭ "شاڭىراق-2" شاعىناۋدانىنداعى (ىسقاقوۆ كوشەسى) جانە "توميريس" شاعىناۋدانىنداعى (مارقاتاۋ كوشەسى) بالالار جانە سپورت الاڭدارىن اعىمداعى جوندەۋ؛ تۇركسىب اۋدانىنىڭ ۆولوچايەۆسكايا جانە ءسۇيىنباي كوشەلەرىندەگى بالالار جانە سپورت الاڭدارىن؛ اۋەزوۆ اۋدانىنىڭ ساين جانە جۇبانوۆ كوشەلەرى قيىلىسىنداعى كوپىر استىنداعى سپورت الاڭدارىن، تولە بي كوشەسىنىڭ، (ياسساۋي كوشەسى مەن مومىش ۇلى كوشەسىنىڭ اراسىنداعى) ياسساۋي كوشەسىنىڭ بويىنداعى جاياۋ جۇرگىنشىلەر ايماعىن سالۋ جانە ت.ب.
اعىمداعى جىلدىڭ 1 ماۋسىمىنان باستاپ الماتىدا «حالىقتىڭ بيۋدجەتكە قاتىسۋى» اياسىندا جوبالىق ۇسىنىستاردى قابىلداۋ باستالدى، ولاردى ىسكە اسىرۋ 2023 جىلعا جوسپارلانۋدا. ءوتىنىم بەرۋ مەرزىمى budget.open-almaty.kz. سايتى ارقىلى 20 شىلدەگە دەيىن ءارى ءبىر جوبانىڭ ەڭ جوعارى قۇنى 61،2 ملن تەڭگەدەن اسپايدى.
بۇگىندە قالا تۇرعىندارى 62 ءوتىنىم بەردى. بەرىلگەن باستامالار سانى بويىنشا الاتاۋ (20)، بوستاندىق (10)، اۋەزوۆ (7) جانە مەدەۋ (7) اۋداندارى كوش باستاپ تۇر.