بيىل قاڭتار-ماۋسىمدا ەلىمىزگە 3،1 ملن تۋريست كەلدى. بۇل تۋرالى تۋريزم يندۋسترياسى كوميتەتى ينۆەستيسيالاردى تارتۋ جانە ىلگەرىلەتۋ باسقارماسىنىڭ باس ساراپشىسى اقمارال مەڭلىبەك ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«2023 جىلدىڭ العاشقى جارتىجىلدىعىندا ەلىمىزدەگى ورنالاستىرۋ ورىندارى تۋريستەرگە 98 ملرد تەڭگەگە قىزمەت كورسەتتى. بۇل وتكەن جىلدىڭ سايكەس كەزەڭىمەن سالىستىرعاندا 45 پايىزعا ارتىق. بىلتىر قاڭتار-ماۋسىم ارالىعىندا ەلىمىزدەگى ورنالاستىرۋ ورىندارى تۋريستەرگە 67 ملرد تەڭگەگە قىزمەت كورسەتكەن بولاتىن. ال پاندەمياعا دەيىنگى كەزەڭمەن سالىستىرساق، اتالعان كورسەتكىش ءوسىمى 2 ەسەگە جۋىق. ءبىرىنشى جارتىجىلدىقتا ورنالاستىرۋ ورىندارىنىڭ قىزمەتىن پايدالانعان تۋريستەر سانى 3،1 ملن ادامعا جەتتى. بۇل كورسەتكىش 2022 جىلدىڭ 6 ايىمەن سالىستىرعاندا 400 مىڭ تۋريستكە ارتىق. ال پاندەمياعا دەيىنگى دەڭگەيدەن 1 ملن ادامعا كوپ»،- دەدى اقمارال مەڭلىبەك تۋريزم جانە سپورت مينيسترلىگىنىڭ Telegram پاراقشاسىندا جاريالانعان بەينەماتەريالدا.