جوندەۋ قاۋىپسىزدىك ءۇشىن قاجەت
جىل سوڭىنا دەيىن ءىرىلى-ۇساقتى 1 054 شاقىرىم تەمىر جول جاماپ-جاسقالادى. سونىڭ ىشىندە 550 شاقىرىم جولعا كۇردەلى جوندەۋ جۇرگىزىلەدى، دەپ حابارلايدى Almaty-akshamy.kz Egemen.kz-كە سىلتەمە جاساپ.
جۇمىس بارىسىندا ەسكى جول الىنىپ، ونىڭ ورنىنا جاڭا رەلس-شپالدار توسەلەدى. بۇل ءۇشىن ارنايى جول تەحنيكالارى – بولشەكتەۋ جانە سالۋ كراندارى، تۇزەتۋ-قاعۋ-تەگىستەۋ، جولدى بىركەلكى ەتۋ ماشينالارى، امبەباپ قۇرال-سايماندارمەن جابدىقتالعان پلاتفورمالار پايدالانىلادى.
بيىلدىققا نەگىزىنەن تۇركىستان، پاۆلودار، قاراعاندى، قوستاناي، قىزىلوردا، اتىراۋ، ماڭعىستاۋ بولىمشەلەرىنىڭ ماگيسترالدىق جەلىلەرىن ءبۇتىندەپ شىعۋ كوزدەلىپ وتىر. بۇعان دەيىن تۇركىستان وبلىسىنداعى جۇمىستىڭ قالاي ءجۇرىپ جاتقانى جانە شىمكەنت ماگيسترالدىق جەلى ءبولىمشەسىنە قاراستى شاعىر – تالدىقۇدىق ارالىعىنداعى شويىن جولدىڭ قالاي جوندەلىپ جاتقانى تۋرالى جان-جاقتى اقپارات بەرىلگەن-دى.
جالپى، «قازاقستان تەمىر جولى» ۇك» اق تەمىر جول ماگيسترالدارىن جوسپارلى تۇردە جىل سايىن جوندەۋدەن وتكىزىپ تۇرادى. بۇل قارەكەت ەڭ اۋەلى قاۋىپسىزدىكتى ساقتاۋ ءۇشىن قاجەت.