قازاقستان ازاماتتارىن قىزمەتتەن بوساتۋ دەرەگى تىركەلسە، تەكسەرىلەدى
ەلگە كەلگەن رەسەيلىكتەرگە تەك رۇقسات ەتىلگەن سالا بويىنشا ەڭبەك ەتۋگە مۇمكىندىك بەرىلمەك. بۇل تۋرالى ەڭبەك جانە حالىقتى الەۋمەتتىك قورعاۋ ءمينيسترى ايتتى. تامارا دۇيسەنوۆانىڭ ايتۋىنشا، ءقازىردىڭ وزىندە 5 مىڭنان استام رەسەيلىك جۇمىس ىزدەپ كەلگەن، دەپ حابارلايدى Almaty-akshamy.kz Almaty.tv-گە سىلتەمە جاساپ.
ال ەگەر دە ەلدەگى كومپانيالار سىرت مەملەكەتتەن كەلگەندەردى جۇمىسقا الۋ ءۇشىن ءوز ازاماتتارىمىزدى جۇمىستان بوساتسا، زاڭدى تۇرعىدا شارا قولدانىلاتىنىن جەتكىزدى.
«ەگەر دە ءبىزدىڭ ءقازىر بىزدە 8،7 ملن ادام جۇمىس ىستەپ جاتىر. سونىڭ 90 پايىزدان ارتىعى رەسەيدەن كەلىپ جۇمىس ىستەيتىن بولسا وندا سرازۋ توقتاتىلادى. جۇمىسقا قابىلداۋ توقتاتىلادى. رەسەيلىكتەرگە جۇمىس تاۋىپ بەرۋ كەرەك دەپ تاپسىرما بەرىلگەن جوق. ەاەو-تان كەلگەن ازاماتتار ءبىزدىڭ شارتىمىز بويىنشا قازاقستان ءوزىنىڭ حالىقارالىق شارتىن ءبارىن تولىق ورىندايدى. بۇل دا قازاقستاننىڭ مىندەتى»، – دەدى ق ر ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا.
ۇلتتىق ەكونوميكا ءمينيسترى شەت ەلدەن كەلگەن ازاماتتار ءبىرىنشى كەزەكتە قازاقستاندىقتار اراسىندا سۇرانىسقا يە ەمەس جۇمىستارعا تارتىلماق. ول - ماۋسىمدىق جۇمىستار. جۇمىسقا قابىلداۋ كەزىندە وتانداستارىمىزعا باسىمدىق بەرىلەدى. الايدا وزگە ەلدەن كەلۋشىلەر ەڭبەك سالاسىنداعى قاۋىپسىزدىگىمىزگە ءقاۋىپ توندىرسە، ءتيىستى سالادا قىزمەت ەتۋگە شەكتەۋ قويىلادى.
«قازاقستاندىقتار كوپ بارا بەرمەيتىن ماۋسىمدىق جۇمىستار بار، ماسەلەن، قۇرىلىس جۇمىستارى سەكىلدى. ارينە، ءبىرىنشى كەزەكتە ءبىز ءوز ازاماتتارىمىزدى جۇمىسقا ورنالاستىرۋدى ويلايمىز. سوعان باسىمدىق بەرەمىز»، – دەدى ق ر ۇلتتىق ەكونوميكا ءمينيسترى الىبەك قۋانتىروۆ.
رەسەيلىكتەردىڭ ەلگە كەلۋى ەڭبەك نارىعىندا ايتارلىقتاي باسەكەلەستىك تۋدىرادى. وسىلاي دەگەن ءماجىلىس دەپۋتاتى ەلنۇر بەيسەنبايەۆ قوناقجاي حالىقتى الدىمەن قاۋىپسىزدىك جاعىن ەسكەرۋگە شاقىردى. ونىڭ پايىمىنشا، شەتەل ازاماتتارىنا زاڭنامادا كورسەتىلگەن ماماندىقتار بويىنشا عانا قىزمەت بەرىلۋى كەرەك.
«تۋريزم سالاسىندا قىزمەت كورسەتەتىن سالالار دا بولادى. ءبىراق تىكەلەي مەملەكەتتىڭ تاۋەلسىزدىگىنە، ونىڭ قاۋىپسىزدىگىنە نۇقسان كەلەتىن ماماندىق بويىنشا ەشقانداي شەتەلدىك ازاماتتىڭ قىزمەت جاساۋعا قۇقىعى جوق»، – دەدى ق ر پارلامەنتى ءماجىلىسىنىڭ دەپۋتاتى ەلنۇر بەيسەنبايەۆ.
كورشى مەملەكەتتەن كەلگەندەرگە بايلانىستى ەلدەگى پاتەر باعاسىنىڭ قۇنى شارىقتاپ كەتكەنى بەلگىلى. الايدا بۇل قىمباتشىلىققا مەملەكەت كىنالى ەمەس، - دەدى ادىلەت ءمينيسترى. ءماجىلىس كۋلۋارىندا پىكىر بىلدىرگەن قانات ءمۋسيننىڭ ايتۋىنشا، باعانى ءوسىرىپ، كۇردەلى جاعداي قالىپتاستىرعان ءوز ازاماتتارىمىز. جاپپاي نارازىلىق ۇيىمداستىراتىنداي نەگىز جوعىن جەتكىزدى.