ورتالىقتار كوپ بالالى وتباسىلارعا بارىنشا قولداۋ كورسەتەدى.
قالا تۇرعىندارىنىڭ باسىم بولىگى ورتالىقتاردىڭ ارقاسىندا جۇمىس تاپتى. سونىمەن قاتار 1500-دەن استام ادام دەمەۋشىلەردەن ماتەريالدىق قولداۋ الدى. بۇل تۋرالى الماتى قالاسى «باقىتتى وتباسى» ورتالىعىنىڭ جەتەكشىسى زۋلفيا بايساقوۆا ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ءبىزدىڭ ورتالىقتار كوپ بالالى وتباسىلارعا بارىنشا قولداۋ كورسەتەدى. جۇمىسقا ورنالاسۋعا كومەكتەسەمىز. سونىمەن قاتار، ءبىز وتباسىلىق قۇندىلىقتاردى دارىپتەيمىز. «باقىتتى وتباسى» ورتالىقتارىمەن قاتار ءداستۇرلى قولونەردى دامىتۋ ورتالىعى جۇمىس ىستەيدى، وندا مىڭداعان ادام وقىتۋ كۋرستارىنان ءوتتى، مىڭنان استام ايەل ءوز ءىسىن اشۋعا جانە دامىتۋعا: تىگىن شەبەرحانالارىن، اسپازدىق، باسپاحانالاردى، سۇلۋلىق ستۋديالارىن اشۋعا جانە دامىتۋعا وتەۋسىز گرانتتار الدى»، - دەدى زۋلفيا بايساقوۆا.
ايتا كەتسەك، ورتالىقتارعا تەك كوپ بالالى انالار عانا ەمەس، سونىمەن قاتار دومبىرا ويناۋدى، اكتەرلىك شەبەرلىكتى، ءبيدى، قولونەردى ۇيرەنەتىن بالالار دا بارادى. سونداي-اق بالالارعا ورىس جانە اعىلشىن تىلدەرى، ۆوكال، حورەوگرافيا بويىنشا كۋرستار قولجەتىمدى.
«بۇدان باسقا، «باقىتتى وتباسى» ورتالىقتارى حالىقتىڭ الەۋمەتتىك جاعىنان وسال توپتارىنا كومەك كورسەتەدى، ولاردى ءتۇرلى باعىتتار بويىنشا وقىتادى: اعىلشىن ءتىلى، كومپيۋتەرلىك ساۋاتتىلىق، تىگىن ءىسى، بيزنەس-جوسپارلاۋ، كيىم ديزاينى، كاسىپكەرلىك، بۋحگالتەريا، اسپازدىق، كيىز باسۋ، كىرپىكتى ۇزارتۋ، مانيكيۋر، ۆيزاج، شاشتاراز قىزمەتتەرى، ءپىشۋ جانە تىگۋ، سمم-ماركەتينگ، كيىم ديزاينى، ۇيالى تەلەفونداردى جوندەۋ، كونديتەر، اسپاز جانە تاعى باسقالارى. جىل باسىنان كۋرستى 1611 ادام اياقتادى. بيىل 13 مىانان استام الماتىلىق ورتالىققا جۇگىندى»،- دەيدى ول.
ەسكە سالساق، مۇقتاج وتباسىلاردىڭ ءومىر ءسۇرۋ ساپاسىن ارتتىرۋعا باعىتتالعان «باقىتتى وتباسى» ورتالىعى قالانىڭ ءار اۋدانىندا 2019 جىلدىڭ تامىز ايىنان باستاپ جۇمىس ىستەيدى. ءقازىر ولاردىڭ سانى توعىزعا جەتتى.
بۇگىندە الماتىدا 32 278 كوپ بالالى وتباسى تۇرادى، ونىڭ ىشىندە 5001 ادام «التىن القا» جانە «كۇمىس القا» القالارىمەن ماراپاتتالدى.