«بيۋدجەتكە قاتىسۋ» جوباسى بويىنشا تۇسكەن وتىنىمدەر سانى ءۇش ەسە ارتقان
الماتىدا «بيۋدجەتكە قاتىسۋ» جوباسى ىسكە قوسىلعان ساتتەن باستاپ حالىق تاراپىنان كەلىپ تۇسكەن وتىنىمدەر سانى 3 ەسە ارتقان. قالا باسشىسى باقىتجان ساعىنتايەۆ "حالىق ۇنىنە قۇلاق اساتىن مەملەكەت" رەتىندە بۇل جوبا ءوزىنىڭ تيىمدىلىگىن دالەلدەگەنىن ايتتى، دەپ حابارلايدى Almaty-akshamy.kz Almaty.tv سايتىنا سىلتەمە جاساپ
بۇگىندە تۇرعىنداردىڭ سۇرانىسى مەن داۋىس بەرۋى بويىنشا قالادا ۇلتتىق ستيلدەگى بىرەگەي سكەيت الاڭدار، اللەيالار، ۆوركاۋت الاڭدارى جانە تاعى باسقا دا سپورت الاڭقايلارى ورناتىلدى.
«ءبىز «حالىق ۇنىنە قۇلاق اساتىن مەملەكەت» تۇجىرىمداماسى اياسىندا 2019 جىلدان باستاپ «بيۋدجەتكە قاتىسۋ» جوباسىن جۇزەگە اسىرىپ كەلەمىز. بيىل جوبانى ىسكە اسىرۋعا 7،4 ملرد تەڭگە باعىتتالعانىن اتاپ وتكىم كەلەدى. حالىق تاراپىنان سۇرانىستىڭ ارتۋىنا قاراي قارجىلاندىرۋ كولەمى ۇلعاياتىن بولادى»، – دەدى الماتى قالاسىنىڭ اكىمى باقىتجان ساعىنتايەۆ.