الماتى اكىمى ەربولات دوسايەۆ مەدەۋ اۋدانى تۇرعىندارىمەن كەزدەسۋ بارىسىندا مەملەكەتتىك قاجەتتىلىك ءۇشىن جەردى ساتىپ الۋ تەتىگىن ءتۇسىندىردى، دەپ حابارلايدى aqshamnews.kz
«جەردى ساتىپ الۋ ءۇشىن بەرىلەتىن وتەماقى سوماسى حالىقتىڭ بارلىق قاجەتتىلىگىن قاناعاتتاندىرۋعا جەتكىلىكسىز دەپ اي̆تىلىپ جاتىر. باعالاۋدىڭ زاڭنامامەن بەلگىلەنگەن ناقتى مەحانيزمدەرى بار، ءبىراق ەگەر سوت زاڭعا ءساي̆كەس كوبىرەك وتەماقى تاعاي̆ىنداسا، قالا ونى تولەي̆ءدى. قاجەتتى قاراجاتتى تابامىز، ۇنەمدەي̆ءمىز. ەڭ باستىسى، قالانىڭ دامۋى قاجەت. قالا اكىمى رەتىندە مەندە شاھاردى دامىتۋ ءۇشىن جەتكىلىكتى مەملەكەتتىك جەر قورى جوق»، – دەدى ەربولات دوسايەۆ مەدەۋ اۋدانى تۇرعىندارىمەن كەزدەسۋدە.
قالا باسشىسى 2022 جىلى تاعاي̆ىندالعاننان بەرى اكىمدىك جەردى جول سالۋ، الەۋمەتتىك ينفراقۇرىلىم مەن قوعامدىق كەڭىستىكتەردى دامىتۋ ماقساتىندا عانا ساتىپ الىپ جاتقانىن جانە مۇنىڭ ءبارى زاڭ اياسىندا جۇزەگە اسىرىلىپ وتىرعانىن اتاپ ءوتتى.
«بيۋدجەت قاراجاتىنا ساتىپ الىنعان ءبىر سوتىق جەردى دە جەر كودەكسىنە ءساي̆كەس جەكەمەنشىككە بەرە الماي̆مىز. بۇل ماسەلەنى بىردەن ناقتىلاپ اي̆تقىم كەلەدى، اكىمدىك جەردى ساتىپ الىپ، ونى بىرەۋگە بەرە الادى دەگەن وي̆ بولماۋى كەرەك. بۇل جەر كودەكسىمەن قاتاڭ تۇردە تىي̆ىم سالىنعان، بىزدە مۇنداي̆ ارەكەتكە بارۋعا قۇقىعىمىز جوق»، – دەدى قالا اكىمى.