بۇگىن قىرعىزستاندا ۋاقىتشا تۇرىپ جاتقان قازاقستاندىقتار ءۇشىن №264 سايلاۋ ۋچاسكەسى اشىلدى. بۇل ۋچاسكە قىرعىزستانداعى قازاقستان ەلشىلىگىندە ورنالاسقان، دەپ حابارلايدى Almaty-akshamy.kz Inform.kz-كە سىلتەمە جاساپ.
رەفەرەندۋم كوميسسياسىنىڭ ءتوراعاسى اسەت ۋالييەۆ «قازاقپارات» حاا تىلشىسىنە بەرگەن سۇحباتىندا ۋچاسكەگە 300-دەن استام داۋىس بەرۋشى كەلۋى مۇمكىن ەكەنىن ايتتى. ەلشىلىك العاشقى بولىپ كەلگەن سايلاۋشىلارعا ەستەلىك سىيلىقتار مەن كادەسىيلار بەردى. ۋچاسكەدە ءبىرىنشى بولىپ كادرالييەۆ كۋبات بارىكتاباس ۇلى داۋىس بەردى. بىشكەكتەگى ۋچاسكەدە حالىقارالىق باقىلاۋشىلار جۇمىس ىستەپ وتىر. بۇعان دەيىن حابارلاعانىمىزداي، جاپونيا مەن كورەيادا تۇراتىن قازاقستان رەسپۋبليكاسىنىڭ ازاماتتارى ەلىمىزدىڭ كونستيتۋسياسىنا وزگەرىستەر مەن تولىقتىرۋلار ەنگىزۋ جونىندەگى جالپىۇلتتىق رەفەرەندۋمدا وزدەرىنىڭ داۋىس بەرۋ قۇقىعىن العاشقىلاردىڭ ءبىرى بولىپ پايدالاندى.
شەتەلدەگى داۋىس بەرۋ ۋچاسكەلەرى جەرگىلىكتى ۋاقىتقا ساي اشىلىپ، رەفەرەندۋمعا قاتىسۋعا نيەتتى قازاقستاندىقتاردى قابىلداپ جاتىر.