ءبىرىڭعاي تۇرعىن ءۇي باعدارلاماسى ازىرلەنەدى. بۇل تۋرالى مەملەكەت باسشىسى قاسىم-جومارت توقايەۆ قازاقستان حالقىنا جولداۋىندا ايتتى، دەپ حابارلايدى almaty-akshamy.kz
«تۇرعىن ءۇي - ازاماتتارىمىز ءۇشىن قاشان دا باستى ماسەلە. «باسپانا حيت» جانە «7-20-25» سياقتى تۇرعىن ءۇي باعدارلامالارىنىڭ مەرزىمى تاياۋ ارادا اياقتالادى. سونىمەن قاتار نارىقتىق يپوتەكا مولشەرلەمەسى ءالى دە جوعارى جانە جۇرتتىڭ بارىنە بىردەي قولجەتىمدى ەمەس. وسىعان وراي ءبىرىڭعاي تۇرعىن ءۇي باعدارلاماسى ازىرلەنەتىن بولادى. ۇلتتىق دامۋ ينستيتۋتىنا اينالاتىن «وتباسى» بانكى ونىڭ اكىمشىسى بولىپ بەلگىلەنەدى. بانك الدىندا "ءبىر تەرەزە" قاعيداتى بويىنشا ەسەپ جۇرگىزىپ، ازاماتتارعا تۇرعىن ءۇي ءبولۋ مىندەتى تۇر»، - دەدى مەملەكەت باسشىسى.