رەسپۋبليكا بويىنشا بارلىق وڭىرلەردە سىرقاتتانۋشىلىقتىڭ ءوسۋى بايقالادى.
قازاقستاننىڭ دەنساۋلىق ساقتاۋ ءمينيسترى الەكسەي سوي كوروناۆيرۋس بويىنشا ەپيدەميولوگيالىق جاعداي كۇردەلى ەكەنىن ايتتى، دەپ حابارلايدى Almaty-akshamy.kz.
مينيستر ەلىمىزدە كۆي بويىنشا ەپيدەميولوگيالىق جاعداي كۇردەلى ەكەنىن، ءبىرقاتار وڭىرلەردەگى كوۆيدتىك ستاسيونارلاردا ورىن تولىق ەكەنىن، بۇل دەنساۋلىق ساقتاۋ جۇيەسىنىڭ شامادان تىس جۇكتەمەسىنە الىپ كەلەتىنىن مالىمدەدى.
الدىڭعى ەكى اپتامەن سالىستىرعاندا، سوڭعى ەكى اپتادا رەسپۋبليكا بويىنشا بارلىق وڭىرلەردە سىرقاتتانۋشىلىقتىڭ ءوسۋى بايقالادى. سىرقاتتانۋشىلىقتىڭ ءوسۋى 1،9 ەسەنى قۇراپ وتىر. ماۋسىم ايىمەن سالىستىرعاندا، ورتاشا تاۋلىكتىك سىرقاتتانۋشىلىق 5،2 ەسە ءوستى. 1 شىلدەمەن سالىستىرعاندا، ەلىمىزدە ينفەكسيالىق جانە رەانيماسيالىق توسەك-ورىنمەن قامتۋ 3 ەسە ۇدەمەلى تۇردە وسكەنى بايقالادى، وسىعان بايلانىستى ەلىمىزدە توسەك قورى 1،4 ەسە ۇلعايتىلدى. اعىمداعى جىلعى 28 شىلدەدەگى جاعداي بويىنشا، رەسپۋبليكا بويىنشا ينفەكسيالىق توسەك-ورىندارمەن قامتۋ 53%-دى، رەانيماسيالىق توسەك-ورىندارمەن قامتۋ 43%-دى قۇرايدى. الماتى، شىمكەنت قالالارىندا، اقتوبە، تۇركىستان جانە قىزىلوردا وبلىستارىندا ينفەكسيالىق جانە رەانيماسيالىق توسەك-ورنىمەن قامتۋدىڭ جوعارى قارقىنى بايقالادى.
«قازىرگى ۋاقىتتا دەنساۋلىق ساقتاۋ جۇيەسى وتكەن جىلمەن سالىستىرعاندا ەكى ەسە جۇكتەمەمەن جۇمىس ىستەۋدە. وتكەن جىلى سىرقاتتانۋشىلىق تاۋلىگىنە 2 مىڭ ادامعا دەيىنگىنى قۇراعان بولسا، اعىمداعى جىلدىڭ شىلدە ايىندا سىرقاتتانۋشىلىقتىڭ ءوسۋى 3 ەسەدەن استامدى قۇراپ وتىر. ەمدەلىپ جاتقان پاسيەنتتەردىڭ سانى دا 2 ەسەگە ارتتى»، - دەدى الەكسەي سوي.
بۇگىنگى كۇنى ەلىمىز بويىنشا 90 مىڭعا جۋىق ادام ناۋقاس، ونىڭ 25 مىڭعا جۋىعى ستاسيونارلاردا، 65 مىڭعا جۋىعى امبۋلاتوريالىق ەم الۋدا. سونىمەن قاتار، شىلدە ايىنىڭ باسىمەن سالىستىرعاندا، اۋىر ناۋقاستاردىڭ سانى 2،1 ەسە ءوستى، 1000-عا جۋىق ناۋقاس وكپەنى جاساندى جەلدەتۋ اپپاراتتارىنا قوسىلعان. ءمينيستردىڭ ايتۋىنشا، ءبىرقاتار وڭىرلەردە ينفەكسيالىق جانە رەانيماسيالىق توسەك-ورىن تاپشىلىعى ورىن الۋى مۇمكىن. تاۋەكەل ايماعىندا نۇر-سۇلتان، شىمكەنت قالالارى جانە ءبىرقاتار وبلىستار بار.
«ءبىرقاتار وڭىرلەردىڭ دەنساۋلىق ساقتاۋ جۇيەسى جوعارى جۇكتەمەمەن جۇمىس ىستەۋدە. بۇگىنگى كۇنى ءبىرقاتار وڭىرلەردەگى كوۆيدتىك ستاسيونارلاردا ورىن تولىق، بۇل دەنساۋلىق ساقتاۋ جۇيەسىنىڭ شامادان تىس جۇكتەمەسىنە الىپ كەلەدى. سونداي-اق بۇل حالىقتىڭ مەديسينالىق كومەككە ۋاقتىلى قول جەتكىزۋىنىڭ تومەندەۋىنە جانە ءولىمنىڭ، سىرقاتتانۋشىلىقتىڭ وسۋىنە جانە ينفەكسيانىڭ ودان ءارى تارالۋىنا الىپ كەلۋى مۇمكىن»، - دەپ حابارلادى الەكسەي سوي.
ق ر بويىنشا جالپى سىرقاتتانۋشىلىق پەن ءولىمنىڭ 65%-ى نۇر-سۇلتان، الماتى، شىمكەنت، اتىراۋ، قاراعاندى قالالارىندا تىركەلگەن. وسىعان بايلانىستى 27 شىلدەدە ۆەدومستۆوارالىق كوميسسيانىڭ شەشىمىمەن اتالعان وڭىرلەردە 2 تامىزدان باستاپ كۇشىنە ەنەتىن قوسىمشا شەكتەۋ شارالارى بەكىتىلدى.
بۇگىنگى كۇنى قر-دا كۆي-گە قارسى ۆاكسينانىڭ ءبىرىنشى دوزاسى ءاربىر ەكىنشى ەرەسەك قازاقستاندىققا ەگىلەدى. ۆاكسينانىڭ 8،6 ملن دوزاسى پايدالانىلدى، ونىڭ ىشىندە 1ء-شى كومپونەنتپەن 5 230 750 ادام ەگىلدى، بۇل ءتيىستى حالىقتىڭ 52،8%-ىن قۇرايدى. ەكىنشى كومپونەنتپەن 3 436 617 ادام قامتىلدى. ەگۋ پۋنكتتەرىندە شامامەن 713 مىڭ ءبىرىنشى كومپونەنت جانە 1 ملن 300 مىڭ ەكىنشى كومپونەنت بار. مينيستر ناۋقاستاردىڭ 99،9%-ى ۆاكسينالانباعانىن، بۇل يممۋنداۋدىڭ قاۋىپسىزدىگى مەن تيىمدىلىگىن راستايتىنىن اتاپ ءوتتى.
«سوندىقتان ءاربىر قازاقستاندىقتان ۆاكسينالاۋ تۋرالى سانالى شەشىم قابىلداۋدى، ءوزىن، جاقىندارىن قورعاۋدى جانە ەلىمىزدە ۇجىمدىق يممۋنيتەتتى قالىپتاستىرۋعا ءوز ۇلەسىن قوسۋدى سۇرايمىن. كوروناۆيرۋستىڭ تۇراقتى تۇردە بولا بەرەتىن مۋتاسياسى كەزىندە بۇل قورعانۋدىڭ جالعىز جولى»، - دەدى دەنساۋلىق ساقتاۋ مينيسترلىگىنىڭ باسشىسى حالىققا.
الەكسەي سوي بۇگىنگى كۇنى ۆاكسينالاۋدىڭ كوروناۆيرۋستىق ينفەكسيادان بولاتىن اۋىر اعىم مەن ءولىمدى بولدىرماۋدىڭ جالعىز ءتيىمدى ءادىسى ەكەنىن تاعى دا ەسكە سالدى.