"قازگيدرومەت" 29 قازاندا ءبىرقاتار وڭىردە اۋا رايىنا بايلانىستى ەسكەرتۋ جاريالادى، دەپ حابارلايدى almaty-akshamy.kz
29 قازان باتىس قازاقستان وبلىسىنىڭ باتىسىندا، سولتۇستىگىندە تۇندە جانە تاڭەرتەڭگى ۋاقىتتاردا تۇمان بولادى.
كۇندىز اقمولا وبلىسىنىڭ سولتۇستىك-باتىسىندا كوكتايعاق بولادى. وبلىستىڭ شىعىسىندا، سولتۇستىگىندە وڭتۇستىك-باتىستان جەل سوعادى، ەكپىنى 15-20 م/س جەتەدى.
تۇركىستان وبلىسىنىڭ تاۋلارىندا قاتتى جاۋىن-شاشىن (جاڭبىر، قار)، تۇمان تۇسەدى.
شىعىس قازاقستان وبلىسىنىڭ سولتۇستىك بولىگىندە تۇمان بولادى.
29 قازاندا كۇندىز سولتۇستىك قازاقستان وبلىسىنىڭ باسىم بولىگىندە جاۋىن-شاشىن (جاڭبىر، قار) كۇتىلەدى. كۇندىز 29، تاۋلىك بويى 30 قازاندا وبلىستىڭ سولتۇستىگىندە، باتىسىندا جاياۋ بۇرقاسىن، كوكتايعاق بولجانادى.
29 قازاندا پاۆلودار وبلىسىنىڭ سولتۇستىگىندە، باتىسىندا ونتۇستىك-باتىستان سوعاتىن جەل، ەكپىنى 15-20 م/س كۇتىلەدى.
تاڭەرتەڭ جانە كۇندىز 29 قازاندا قوستاناي وبلىسىنىڭ سولتۇستىگىندە، سولتۇستىك-شىعىسىندا تۇمان كۇتىلەدى. وڭتۇستىك-باتىستان سوعاتىن جەل 15-20 م/س جىلدامدىقپەن سوعادى.
تۇندە جانە كۇندىز 29 قازاندا جامبىل وبلىسىنىڭ تاۋلى اۋدانداردا قاتتى جاۋىن-شاشىن (جاڭبىر، قار) كۇتىلەدى.
تۇندە جانە تاڭەرتەڭ تاۋلى اۋدانداردا تۇمان كۇتىلەدى. 29-31 قازاندا سولتۇستىك-باتىستان سوعاتىن جەل سولتۇستىك-شىعىس جەلىنە اۋىسادى، تاۋلى اۋدانداردا كۇشى 15-20 م/س جەتەدى.