الماتىنىڭ ورتالىق بولىگىندە ۇرلىق جاساعان قالتا ۇرىسى ۇستالدى
بوستاندىق اۋداندىق پوليسيا باسقارماسىنىڭ قىزمەتكەرلەرى بىرنەشە ۇرلىق جاسادى دەگەن كۇدىكپەن 35 جاستاعى ەر ادامدى ۇستادى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«ەر ادام قىلمىستىق ىس-ارەكەتىن ەكى جىل بۇرىن باستاعان. ءبىرىنشى ارىز 2019 جىلدىڭ مامىر ايىندا تىركەلدى. سول كەزدە ول ستوماتولوگيالىق ورتالىقتا تەلەفوندى ۇرلاپ كەتكەن. قاسكوي كەڭسەلەردە، كافەلەردە، بارلاردا جانە ساۋدا ورتالىقتارىندا دا ۇرلىق جاساپ جۇرگەن. جالپى، تەرگەۋدىڭ وسى كەزەڭىندە بوتەننىڭ مۇلكىن ۇرلاۋدىڭ 9 فاكتىسى تىركەلدى. جەدەل ىزدەستىرۋ ءىس-شارالارى بارىسىندا كۇدىكتى ۇستالدى. ول ناقتى تۇرعىلىقتى جەرى جوق، 35 جاستاعى ب.ەسىمدى ەر ادام بولىپ شىقتى. كۇدىكتى ۇيالى تەلەفوندار، نوۋتبۋكتەر مەن ءاميانداردى ۇرلاۋعا ماماندانعان. جاسالعان قىلمىستاردىڭ جالپى شىعىنى شامامەن 4 ملن. تەڭگەنى قۇرايدى. قاسكوي ۇرلانعان تەحنيكالاردى ساتۋدان تۇسكەن اقشانى ءوز قالاۋى بويىنشا جۇمساعان»، – دەپ حابارلادى بوستاندىق اۋداندىق پب جانىنداعى پوليسيا ءبولىمىنىڭ باستىعى عالىمجان قاسىمبايەۆ.
ۇستالعان ازامات ءوز كىناسىن مويىندادى جانە انىقتالعان قىلمىستارعا قاتىستىلىعىن راستادى. بارلىق فاكتىلەر ءبىر وندىرىسكە بىرىكتىرىلىپ، قىلمىستىق ءىس ق ر قك-نىڭ 188-بابى 3ء-بولىمىنىڭ 2-تارماعى بويىنشا تەرگەلۋدە. كۇدىكتىگە “قاماۋعا الۋ” تۇرىندەگى بۇلتارتپاۋ شاراسى سانكسيالاندى.
"ال ءبىز كۇدىكتىنىڭ وسىعان ۇقساس باسقا دا قىلمىستارعا قاتىسى بار-جوعىن تەكسەرىپ جاتىرمىز. ءىستى تەرگەۋدىڭ تولىقتىعى مەن جان-جاقتىلىعىن قامتاماسىز ەتۋگە باعىتتالعان ءبىرقاتار تەرگەۋ ارەكەتتەرى جۇرگىزىلۋدە، ناتيجەسىندە قىلمىستىق ءىس سوتقا جولدانادى"، – دەدى ع. قاسىمبايەۆ.