نەگىزىنەن ۋچاسكەلەر الەۋمەتتىك نىساندار، جولدار سالۋ جانە قالانى اباتتاندىرۋ ءۇشىن ساتىپ الىنادى.
بۇل تۋرالى بريفينگتە الماتى قالالىق جەر قاتىناستارى باسقارماسىنىڭ باسشىسى ارداق سامامبەتوۆ مالىمدەدى، دەپ حابارلايدى Almaty-akshamy.kz
ساتىپ الۋ كەلەسى جوبالار بويىنشا اياقتالدى:
- اباي داڭعىلىن ياسساۋي كوشەسىنەن ناۋرىزباي اۋدانىنىڭ اكىمشىلىك ورتالىعىنا دەيىن ۇڭگىلەۋ؛
- بوستاندىق اۋدانىندا گاگارين داڭعىلىنىڭ باتىسىنان ليەۆيتان كوشەسىنىڭ وڭتۇستىگىنە قاراي ەمحانا سالۋ ءۇشىن؛
- بوستاندىق اۋدانىنىڭ "ەرمەنساي" شاعىناۋدانىندا بالالار الاڭىن سالۋ ءۇشىن؛
- ناۋرىزباي اۋدانىنىڭ "قاراعايلى" شاعىناۋدانىندا تاجييەۆ كوشەسى بويىندا بالالار الاڭى مەن سپورت عيماراتتارىن سالۋ ءۇشىن؛
- الاتاۋ اۋدانىنىڭ "شاڭىراق-1" شاعىناۋدانىندا (7 نىسان) كارىز سورعى ستانسياسىنىڭ قۇرىلىسى؛
- ناۋرىزباي اۋدانىنىڭ "قۇرامىس" شاعىناۋدانىندا سۋ قۇبىرى جانە كارىز قۇرىلىسى؛
- تۇركسىب اۋدانى چيتينسكايا كوشەسىندەگى كارىزدىك سورعى ستانسياسىنىڭ قۇرىلىسى.