ءانشى توقتار سەرىكوۆ پەن سازگەر ارايلىم مامىربەك اراسىندا وربىگەن داۋدىڭ نۇكتەسى قويىلدى.
وسى ۋاقىتقا دەيىن الەۋمەتتىك جەلىدە توقتار سەرىكوۆ پەن ارايلىم مامىربەككە قاتىستى ۆيدەو تاراعان بولاتىن. الدىمەن ق ر مادەنيەت سالاسىنىڭ ۇزدىگى، سازگەر ارايلىم مامىربەك توقتار سەرىكوۆ ءانىن ۇرلاپ العانى تۋرالى «اسىلتاس.تۆ» يۋتۋب ارناسىندا مالىمدەدى، دەپ حابارلايدى Almaty-akshamy.kz.
«ءوز باسىم وسى ۋاقىتقا دەيىن توقتار سەرىكوۆتىڭ ونەرىن جاقسى باعالايتىنمىن. اندەرىن ءسۇيىپ تىڭدايتىنمىن. ءبىراق ءبىر كۇنى اقپان ايىندا ونىڭ كونسەرتىن كوزىم شالىپ قالدى. ءبىر كىسى «مىناۋ سەنىڭ ءانىڭ عوي» دەپ سالىپ جىبەرىپتى. ءسوزىن وزگەرتىپ تاستاعان. اۋەنى اينىماي ۇقساپ تۇر ەندى. جاتىپ كەپ تەلەفون ءنومىرىن ىزدەدىم، تاپقان ءنومىردىڭ بارىنە «مىنا ەكى ءان قالاي ۇقساپ كەتكەن» دەپ جازا بەردىم. ءۇن جوق، ەكىنشى رەت قايتا جازعاندا مەنى بۇعاتتاپ تاستادى. سوسىن كومەكشىسىنە تەلەفون سوعىپ ەدىم، «ول كىسى ءقازىر كونسەرتتەردەن بوسامايدى. سىزبەن سويلەسۋگە مۇلدەم ۋاقىتى جوق» دەپ جاۋاپ بەردى. «الگى ءاندى كونسەرتتەردە ايتپاسىن، الدىمەن مەنىمەن كەزدەسىپ، وسىنىڭ اق-قاراسىن اجىراتىپ الايىق» دەپ وعان ايتىپ ەدىم، «جوق، ول ءاننىڭ ءسوزى دە، ءانى دە توقتاردىكى» دەپ مويىندامادى. «ءسىزدىڭ ءانىڭىز سونشالىقتى حيت پە ەدى، بايبالام سالاتىنداي نە كورىندى» دەپ وزىمە قارسى شىقتى»، - دەدى سازگەر.
ونەر يەسىنىڭ سوزىنە سەنسەك بۇل ءاندى 2021-جىلى جازىلعان. كەيىننەن ءاننىڭ ءسوزى ۇناماي، سۆەتقالي نۇرجانعا قايتا جازدىرعان. وسىلايشا 2022 جىلدىڭ ءساۋىر ايىندا «بابا دالا بايانى» دەگەن ءان دۇنيەگە كەلىپتى. قاراجاتتىڭ جوقتىعىنان ءان قاراشا ايىندا ەلگە تانىستىرىلا باستاعان.
«ءساۋىر ايىندا توقتار سەرىكوۆ ءلام-ميم دەمەستەن مەنىڭ ءانىمدى «اۋىلىم» دەگەن اتپەن بۇكىل پلاتفورمالارعا تاراتىپ تاستادى. وسى جاعدايدان كەيىن مەنىڭ جۇيكەم سىر بەردى. ىشىمنەن شىققان ءانىمدى ايدىڭ-كۇننىڭ امانىندا يەمدەنىپ كەتە سالعانى جانىما باتتى، دەنساۋلىعىم ناشارلاپ كەتتى. ەلدىڭ ءبارى «سەن توقتاردىڭ ءانىن ۇرلاپ ايتىپ ءجۇرسىڭ» دەپ جازاتىن بولدى. وسىدان كەيىن سوتقا شاعىمدانىپ، ءانىمدى وزىمە قايتارىپ العىم كەلدى. دالەلدەۋگە شامام جەتەدى، ماتەريالدىق جانە مورالدىق شىعىن تالاپ ەتەمىن»، - دەدى ارايلىم مامىربەك.
اراعا ءبىراز ۋاقىت سالىپ توقتار سەرىكوۆ ارايلىم مامىربەكتى ىزدەپ تاۋىپتى. وسى انگە قاتىستى ءبىر ۇستەلدىڭ ۇستىندە وتىرىپ كەلىسىمگە كەلگەنى جايىندا ارايلىم مامىربەك ۆيدەو تاراتتى.
«وسى بىر-ەكى ايدىڭ كولەمىندە اسىرەسە تيك-توك، ينستاگرام جەلىسىندە ءبىز تۋرالى ۇلكەن داۋ-داماي تۋىپ جاتىر. ءان تۋرالى. مىناۋ ارايلىم دەگەن قارىنداسىم. كومپوزيتور. بىرنەشە اندەردىڭ اۆتورى. ءانشى. ەكەۋمىز ءبىر ەلدەن، ءبىر جەردەن ەكەنبىز. ونىڭ ۇستىنە مەن وقىعان مەكتەپتە وقىعان ەكەن. قۇدايعا شۇكىر! ارنايى ارايلىمدى ىزدەپ، ەسىك قالاسىنا كەلىپ جولىعىپ وتىرمىن. ونداعى ماقسات-مۇددە ءبىر-اق نارسە. ءبىزدى، ارايلىمدى دا مەنى دە حالىق اراسىندا قارالاپ جاتقاندار بار. ايدىڭ جارىعىندا ءان ۇرلاپتى دەگەن اڭگىمە بولىپ جاتىر. جوق، قۇداي ساقتاسىن! ولاي ەمەس. سەزىمگە ەشكىم بوگەت بولا المايدى. جۇرەگىمنەن شىققان ءاندى ەشكىمگە ۇقساتپاي جازامىن دەپ ويلايتىنمىن. سويتسەم، ءبىر ەلدەن بولعاننان كەيىن با، الدە ءبىر جەردەن بولعانان كەيىن بە، ايتسا ادام تاڭعالارلىق ۇقساس ارايلىم ەكەۋمىزدىڭ ءانىمىز وتە ۇقساس جازىلعان ەكەن. دەگەنمەن بۇل ءاندى مەن ەش جەردەن ۇرلاپ العان جوقپىن دەپ بەتپاقتانىپ وتىرىم الۋىما بولادى. جوق مەن قىز بالانى... قىز دەگەن اتىن سىيلاپ، اياۋلى انا دەگەن كيەلى ەسىمىن سىيلاپ، قارىنداسىما ارنايى كەلىپ جولىعىپ وتىرمىن. جاسىراتىنى جوق ەكى ءان ۇقسايدى. ءبىراق ءسوزى بولەك. ارايلىم شىعارعان ءاننىڭ اۆتورى قازاققا بەلگىلى اقىن سۆەتقالي نۇرجان اعامىز. ال مەنىڭ شىعارعان ءانىمدى سوزىندە انىندە مەن شىعارعانمىن دەپ ءجۇرمىن. سوندىقتان ارايلىمنىڭ الدىنا كەلىپ، سويلەسىپ، قارىنداسىما مۇڭايما باسىڭدى تومەن سالما. سەن بولاشاق ءان جازۋدا شىعار بەلەسىڭ بار. جولىڭ بولسىن دەپ مەن ۇزىلدى-كەسىلدى ءانىمدى توقتاتامىن. بۇل جەردە حالىق تۇسىنبەي قالماسىن. الىس-بەرىس جوق. اعا قارىنداستى شەشىممەن كەلىسىم جاسالدى. جۇرەك امان بولسا تالاي ءان دۇنيەگە كەلەدى، دەدى توقتار سەرىكوۆ.
بۇعان دەيىن ءانىمدى ۇرلادى دەپ ءمالىم ەتكەن ارايلىمنىڭ ونەر يەسىنە ەشقانداي رەنىشى جوق ەكەندىگىن ايتتى.
قۇداي ساقتاسىن! ونداي كەرەعار پىكىرلەر بولماسا ەكەن. ارامىزدا وسىلاي تۇسىنىستىك بولىپ جاتىر. اعاتايىمدى ءارقاشان قولدايمىن. قارىنداس دەگەن تىلەكشى. وسىعان دەيىن دە، وسىدان كەيىندە باسىمدى ءيىپ وتەم توقتار اعامىزدىڭ بەيبىت جەڭگەمىزدىڭ ونەرىنە. ارى قاراي ونەرىمىز ورىستەي بەرسىن! – دەدى ارايلىم مامىربەك.