قاراعاندى وبلىسىندا پوليسەيلەر ءىرى ناركولابوراتوريانى اشكەرەلەدى.
وپەراتيۆتىك جۇمىستار مەن قىلمىستىق ءوندىرىستى جويۋ بارىسىندا قارا نارىققا 500 مىڭعا جۋىق سينتەتيكالىق ناركوتيكتەردىڭ دوزاسى تۇسپەي قالدى، دەپ حابارلايدى aqshamnews.kz
وقيعا بىلاي باستالدى. الدىمەن داچنىي ايماقتا اق ءتۇستى ۇنتاق تارىزدەس زاتتان ناركوتيكتەر وندىرىلەتىن التى بوشكە تابىلدى. تەرگەۋ بارىسىندا پوليسيا قىزمەتكەرلەرى بۇل بوشكەلەردىڭ BMW X5 اۆتوكولىگىنە تيەلگەنىن انىقتادى، ال كولىكتىڭ جۇرگىزۋشىسى 39 جاستاعى قاراعاندى قالاسىنىڭ تۇرعىنى ەكەن. ەر ادام بوشكەلەردى جەكە ۇيگە جەتكىزبەك بولعان كەزدە ۇستالدى.
«ۇيدە جۇرگىزىلگەن ءتىنتۋ بارىسىندا 1 توننادان استام پرەكۋرسور جانە 10 كگ-نان اسا دايىن الفا-PVP ناركوتيكتەرى تاركىلەندى. اتاپ ايتقاندا، التى اعاش بوشكەدە پرەكۋرسورلار، پسيحوتروپتىق زاتتى كەپتىرۋ پروسەسىندە بولاتىن سۇيىقتىقپەن تولتىرىلعان 35 اينەك پوددون، بەلگىسىز سۇيىقتىق بار 33 كانيسترا، ۇنتاق تۇرىندەگى زاتپەن تولتىرىلعان ءتورت سومكە، بەس گازقاعار، ءۇش ۆاكۋۋمدى پاكەتتە شامامەن 3 كگ دايىن الفا-PVP ناركوتيگى، ناركوتيك وندىرۋگە ارنالعان قۇرال-جابدىقتار (ميكسەرلەر، ۆاكۋۋماتور، مەتالل ۆەنتيلياسيا بولشەكتەرى)، تارازىلار، ءموبيلدى تەلەفوندار، جۇيەلىك بلوك جانە باسقا دا زاڭسىز ارەكەتكە قاتىسى بار زاتتار تابىلدى»، - دەپ حابارلادى ق ر ءىىم باسپا ءسوز قىزمەتى.
قازىرگى ۋاقىتتا كۇدىكتى ۋاقىتشا ۇستاۋ يزولياتورىنا قامالىپ، ساراپتامالار جۇرگىزىلۋدە.