بۇگىنگى كۇنگە دەيىن ەكپە العان الماتىلىقتاردىڭ جالپى سانى 540 343-كە جەتتى.
بۇل اقپاراتتى تاراتقان الماتى قالالىق قوعامدىق دەنساۋلىق ساقتاۋ باسقارماسىنىڭ مالىمەتىنشە، ەكپەنىڭ تولىق دوزاسىن 327 303 ادام الىپتى، دەپ حابارلايدى Almaty-akshamy.kz
«قالادا 212 پۋنكت جۇمىس ىستەپ تۇر. 1 260 ادامنان تۇراتىن 308 ەگۋ بريگاداسى بار. سونىمەن قاتار، 40 كوشپەلى ءموبيلدى بريگادا ۇيىمداستىرىلدى. ءقازىر مەديسينا ۇيىمدارىندا، مەكتەپتەردە، مادەنيەت، سپورت وبەكتىلەرىندە، بازارلار مەن قالانىڭ سوسو-دا ۆاكسينالاۋ پۋنكتى جۇمىس ىستەيدى»، - دەپ ناقتىلادى دەنساۋلىق ساقتاۋ باسقارماسىنىڭ باسپا ءسوز قىزمەتى.