فرانسۋز رەسپۋبليكاسىنىڭ باقىلاۋشىسى الماتىدا سايلاۋ پروسەسى شتاتتىق رەجيمدە ءوتىپ جاتىر دەپ ەسەپتەيدى
الماتى قالاسى بويىنشا ق ر پرەزيدەنتىن سايلاۋدى جاريالاۋ جونىندەگى باسپا ءسوز ورتالىعىنىڭ الاڭىندا باقىلاۋشى، فرانسيا رەسپۋبليكاسىنىڭ سەناتورى، ەۋروپالىق ىستەر جونىندەگى تۇراقتى كوميتەت ءتوراعاسىنىڭ ورىنباسارى، زاڭناما جونىندەگى تۇراقتى كوميتەتتىڭ حاتشىسى اندرە مارسەل رەيشاردىڭ قاتىسۋىمەن باسپا ءسوز كونفەرەنسياسى ءوتتى، دەپ حابارلايدى اlmaty-akshamy.kz.
«قازاقستان ەۋروپالىق وداقتىڭ قىزىعۋشىلىعىن تۋدىرادى، ويتكەنى رەسەي فەدەراسياسى مەن جۇڭگو حالىق رەسپۋبليكاسى سياقتى ءىرى ەلدەرمەن كورشىلەس ورنالاسقان»، - دەدى سپيكەر.
اندرە مارسەل رەيشار قازاقستان ءقازىر دامۋدىڭ وتە ماڭىزدى كەزەڭىنەن ءوتىپ جاتقانىن اتاپ ءوتتى.
«پرەزيدەنت توقايەۆ سايلاۋ وتكىزۋدى قامتاماسىز ەتۋ بويىنشا قاجەتتى شارالار قابىلدادى. ول ءوزىنىڭ جول كارتاسىن – ءادىل قازاقستاندى دامىتۋعا جانە قۇرۋعا باعىتتالعان باعدارلامانى ۇسىندى جانە سايلاۋ قۇقىعىنىڭ تولىق ساقتالۋىن قامتاماسىز ەتۋگە نيەت ءبىلدىردى. ءقازىر قازاقستان حالقى داۋىس بەرۋ ارقىلى ەلدىڭ بولاشاعى تۋرالى ءوز شەشىمىن قابىلداۋدا»، - دەپ اتاپ ءوتتى سپيكەر.
اندرە مارسەل رەيشار تاڭەرتەڭ الماتىداعى ءتورت سايلاۋ ۋچاسكەسىنە بارىپ ۇلگەرگەنىن، تۇستەن كەيىن تاعى سونشا سايلاۋ ۋچاسكەسىنە بارۋدى جوسپارلاپ وتىرعانىن حابارلادى. سپيكەردىڭ ايتۋىنشا، ول وسىدان كەيىن عانا تولىق پىكىر قالىپتاستىرا الادى.
«مەن سايلاۋ پروسەسىنىڭ ءوتۋىن قالىپتى دەپ باعالايمىن، ءبارى قالىپتى رەجيمدە ءجۇرىپ جاتىر. پروسەسس ستاندارتتى بولىپ تابىلادى: ادام كەلەدى، جەكە كۋالىكتى كورسەتەدى جانە جەرگىلىكتى سايلاۋ كوميسسياسى ونى سايلاۋشىلار تىزىمىنەن تەكسەرەدى، سودان كەيىن ول قول قويادى، سودان كەيىن عانا وعان ءبىر سۇراق بار بيۋللەتەن بەرىلەدى. ەگەر سايلاۋشىنىڭ اتى تىزىمنەن تابىلماسا، ول داۋىس بەرە المايتىنى وتە ماڭىزدى. ەڭ باستىسى، ءپرينسيپتى ساقتاۋ ءۇشىن ءبارى جاسالۋدا: ءبىر سايلاۋشى – ءبىر داۋىس»، - دەدى سپيكەر.