مۇنداي زاڭسىزدىق استانا قالاسىندا ورىن العان.
باس پروكۋراتۋرا القاسىنىڭ وتىرىسىندا ورتالىق مەملەكەتتىك ورگاندار باسشىلارىنىڭ قاتىسۋىمەن زاڭسىز كوشى-قونعا قارسى ءىس-قيمىلدىڭ وزەكتى ماسەلەلەرى قارالدى، دەپ حابارلايدى Almaty-akshamy.kz.
باس پروكۋرور بەرىك اسىلوۆ كوشى-قون اعىندارىنىڭ ۇلعايۋى جاعدايىندا كوشى-قوندى باقىلاپ قانا قويماي، ەلدىڭ ەكونوميكالىق جانە الەۋمەتتىك دامۋىنا ىقپال ەتەتىندەي باعىتتاۋ قاجەت ەكەنىن اتاپ ءوتتى.
وتىرىس بارىسىندا پروكۋرورلىق تەكسەرىستەردىڭ ناتيجەلەرى باياندالدى.
التى وڭىردە (جامبىل، تۇركىستان، سولتۇستىك قازاقستان، قاراعاندى وبلىستارى، الماتى جانە استانا قالالارى) پروكۋرورلار زاڭسىز كوشى-قون ارنالارىن انىقتاپ، سوتقا دەيىنگى تەرگەپ-تەكسەرۋدى باستادى.
مىسالى، قاراعاندى وبلىسىندا حقكو، مەديسينالىق مەكەمەلەر مەن "كومەكشىلەر" دەپ اتالاتىن قىزمەتكەرلەردى قامتيتىن قىلمىستىق توپتىڭ جۇمىسى توقتاتىلدى، ولار اقشا ءۇشىن ەڭبەك شارتتارىن، مەديسينالىق انىقتامالاردى قولدان جاساپ، تۇرعىن ءۇيدى جالعان تىركەۋدى رەسىمدەگەن.
قورداي اۋدانىندا جامبىل وبلىسى پروكۋراتۋراسىنىڭ ۇيلەستىرۋىمەن 20 پاكىستاندىققا شەكارانى زاڭسىز كەسىپ ءوتۋدى ۇيىمداستىرعان قازاقستان مەن قىرعىزستاننىڭ ءۇش ازاماتى ۇستالدى.
ولاردىڭ ءبىرى ميگرانتتاردى كولىكپەن جانە تۇرعىن ۇيمەن قامتاماسىز ەتكەن جانە ول سوتتالدى، قالعان ەكەۋىنە قاتىستى ءىس سوتقا جولداندى (م ەسىمدى ازامات باس بوستاندىعىنان ايىرۋعا سوتتالدى، ا جانە و ەسىمدى ازاماتتارعا قاتىستى ءىس سوتقا جىبەرىلدى).
پروكۋرورلار جالعان مەكەنجايلار بويىنشا جانە "رەزەڭكە پاتەرلەردە" تىركەلگەن 22 مىڭ شەتەلدىكتى انىقتادى.
استاناداعى ءبىر پاتەردە شەتەلدىكتەردى قوسقاندا 937 ادام تىركەلگەن، ءبىراق وندا ءبىر عانا وتباسى تۇرعان.
الماتى وبلىسىندا وسىنداي 13 مىڭ فاكتى انىقتالدى.
تەكسەرىس ناتيجەلەرى بويىنشا قۇجاتتاردى قولدان جاساۋعا، شەكارانى زاڭسىز كەسىپ وتۋگە، سوت اكتىلەرىن ورىنداماۋعا جانە باسقا دا بۇزۋشىلىقتارعا بايلانىستى بارلىعى 42 سوتقا دەيىنگى تەرگەپ-تەكسەرۋ باستالدى.