مەكسيكادا سەلفي جاساماق بولعان ايەل پويىزعا سوقتىعىسىپ، مەرت بولدى، دەپ حابارلايدى اlmaty-akshamy.kz.
2014 جىلدان 2023 جىلعا دەيىن توعىز جىل ىشىندە 49 ەلدە سەلفي جاساۋعا تىرىسقان 399 ادام قازا تاۋىپتى. قۇربانداردىڭ كوبى ءۇندىستاندا تىركەلگەن. مۇندا سەلفي ءۇشىن 190 ادام قازا تاپقان.
2022 جىلدىڭ شىلدەسىندە رادجاستحاننىڭ سولتۇستىك-باتىس پروۆينسياسىنداعى تاريحي فورت-امبەردىڭ كۇزەت مۇناراسىنا شىعىپ، سەلفي جاساماق بولعان ون ءبىر ادامعا نايزاعاي ءتۇسىپ، مەرت بولدى. وقيعا مۋسسون نايزاعايى سوققان كەزدە ورىن العان.
اقش ەكىنشى ورىندا-29 ءولىم. ءۇشىنشى ورىندا - رەسەي. مۇندا 18 ادام قازا تاپقان.
قىتايلىق حۋان ليحۋننىڭ ءولىمى الەمدەگى ەڭ سوراقى ءولىم بولىپ ەسەپتەلەدى. ول الەۋمەتتىك جەلىدەگى دوستارىن تاڭقالدىرعىسى كەلىپ، يندونەزياداعى يلين جانارتاۋىنىڭ تۋرا ىشىنە قۇلاپ كەتكەن.
مۇنداي وقيعالار ەلىمىزدە دە ورىن الىپ جاتىر.
ەسكە سالا كەتسەك، الماتىدا قۇرىلىستىڭ توبەسىنە شىققان جاسوسپىرىمدەر پوليسياعا جەتكىزىلگەنى تۋرالى جازعان بولاتىنبىز.
جالپى، 16 مەن 25 جاس ارالىعىنداعى قىز بالالار اپتاسىنا سەلفي جاساۋعا بەس ساعاتتى جۇمسايدى ەكەن. ال ورتا ەسەپپەن الەمدە كۇنىنە 93 ميلليون سەلفي تۇسىرىلەدى. ونىڭ قانشاسى جازىم بولاتىنى بەلگىسىز. ءۇندىستاننىڭ عىلىمي مەديسينالىق ينستيتۋتىنىڭ زەرتتەۋىنشە، بەس جىلدىڭ ىشىندە الەمدە 259 ادام سەلفيدەن قايتىس بولادى. نەگىزىنەن 30 جاسقا تولماعان جاستار ەكەن. سۋرەتكە كوپ تۇسەتىن قىز-كەلىنشەكتەر بولعانىمەن، قازا تاپقاننىڭ 72 پايىزى – ەر-ازاماتتار. وقىس جاعداي كوپ تىركەلگەن ەلدەر – رەسەي، اقش جانە پاكىستان. بۇل زەرتتەۋشىلەردىڭ التى جىل بۇرىنعى كورسەتكىشى. ودان بەرى ءولىم سانى كوبەيمەسە، ەشتەڭە وزگەرگەن جوق.