2024 جىلى قازاقستاندا 250، ونىڭ 227ء-سى ءتىرى دونوردان، ال 23ء-ى قايتىس بولعاننان كەيىنگى دونوردان اعزانى ترانسپلانتاتتاۋ جۇرگىزىلدى.
بۇل كوپتەگەن پاسيەنتتەردىڭ ءومىر سۇرۋىنە مۇمكىندىك بەرگەن ەلىمىزدىڭ دەنساۋلىق ساقتاۋ سالاسىنداعى ماڭىزدى جەتىستىك، دەپ حابارلايدى aqshamnews.kz.
دسم وسى سالاداعى دەرەكتەردى ۇسىندى.
2012 جىلدان بەرگى ستاتيستيكا:
ترانسپلانتاتتاۋ باعدارلاماسى باستالعاننان بەرى 2012 جىلدان باستاپ قازاقستاندا دونورلىق اعزالاردى ترانسپلانتاتتاۋ بويىنشا 2800 وپەراسيا جۇرگىزىلدى. ولاردىڭ ىشىندە:
* 2353 وپەراسيا (84%) — ءتىرى دونوردان
* 447 وپەراسيا (16%) — قايتىس بولعاننان كەيىنگى دونوردان
قانداي اعزالار ترانسپلانتاتتالدى؟
* بۇيرەك — 2078 ترانسپلانتاتتاۋ
* باۋىر - 541 ترانسپلانتاتتاۋ
* جۇرەك - 98 ترانسپلانتاتتاۋ
* وكپە - 22 ترانسپلانتاتتاۋ
* ۇيقى بەزى-2 ترانسپلانتاتتاۋ
* ءمولدىرقابىق - 59 ترانسپلانتاتتاۋ
ترانسپلانتاتتاۋدى كۇتۋ:
قازىرگى ۋاقىتتا قازاقستاندا ترانسپلانتاتتاۋدى كۇتۋ پاراعىندا 4113 ادام (95 بالا) بار، ونىڭ 3672ء-سى بۇيرەكتى ترانسپلانتاتتاۋدى قاجەت ەتەدى، 184 ادام دونورلىق باۋىردى جانە 138 ادام جۇرەكتى كۇتۋدە.
اعزالاردى ترانسپلانتاتتاۋ تەك مەديسينالىق ەم-شارا عانا ەمەس، بۇل كوپتەگەن ادامدار ءۇشىن جاڭا ومىرگە مۇمكىندىك. اعزانى ترانسپلانتاتتاۋدىڭ ءاربىر جاعدايى جوعارى دارەجەلى مەديسينالىق جۇمىس قانا ەمەس، سونىمەن قاتار مەيىرىمدىلىك پەن ءوزارا كومەك بولىپ تابىلادى.
دارىگەرلەردىڭ كۇش-جىگەرى مەن دونورلاردىڭ دايىندىعىنىڭ ارقاسىندا ءبىز ءومىردى ساقتاپ، بولاشاققا ءۇمىت بەرەمىز.
ەگەر ءسىز دونور بولعىڭىز كەلسە جانە مۇقتاج ادامدارعا كومەكتەسكىڭىز كەلسە — ءسىزدىڭ كومەگىڭىز بىرەۋدىڭ ومىرىندەگى شەشۋشى قادام بولۋى مۇمكىن. تولىق اقپارات پەن كونسۋلتاسيالاردى تۇرعىلىقتى جەرى بويىنشا مەديسينالىق مەكەمەلەردەن الۋعا بولادى.
سوڭعى جاڭالىقتار