كوبى استانا، الماتى قالالارى جانە قوستاناي، سولتۇستىك قازاقستان جانە جامبىل وبلىستارىنان كەلگەن.
كونستيتۋسيالىق باقىلاۋ ورگانىنىڭ العاشقى ايداعى جۇمىسىنىڭ قورىتىندىسى بويىنشا قاڭتار ايىندا 800-دەن استام ءوتىنىش تىركەلگەن، دەپ حابارلايدى Almaty-akshamy.kz
كونستيتۋسيالىق سوتتىڭ اتىنا ازاماتتاردان شاعىمداردىڭ كەلىپ ءتۇسۋى جالعاسىپ جاتىر. ءوتىنىش بەرۋشىلەردىڭ باسىم بولىگى اكىمشىلىك، ازاماتتىق جانە قىلمىستىق ىستەر بويىنشا شىعارىلعان سوت اكتىلەرىمەن كەلىسپەي شاعىمداندى (36%). ەكىنشى ورىندا – زەينەتاقى سالاسىنا قاتىستى وتىنىشتەر (17%). ال قۇقىقتىق اكتىلەردىڭ كونستيتۋسياعا قايشى كەلەتىن تۇستارىنا شاعىم سانى 14%-دى قۇرادى.
وسى اتالعاندارمەن قاتار، ازاماتتاردان ەڭبەك جانە تۇرعىن ءۇي زاڭناماسى، الەۋمەتتىك قامسىزداندىرۋ، اقپاراتقا قول جەتكىزۋ جانە قىلمىستىق-اتقارۋ جۇيەسى سالاسىنداعى ناقتى جاعدايلارعا بايلانىستى وتىنىشتەر ءتۇستى.