ەلىمىزدىڭ ءتۇرلى باعىتتارداعى تابىستارعا جەتۋ مۇمكىندىگى ادامي كاپيتالدىڭ ساپاسىنا تىكەلەي بايلانىستى، سوندىقتان قازاقستاندا ءبىلىم بەرۋ مەن دەنساۋلىق ساقتاۋ سالالارىن دامىتۋعا ايىرىقشا كوڭىل ءبولىنىپ كەلەدى. ق ر پرەزيدەنتى قاسىم-جومارت توقايەۆ ءوزىنىڭ «ادىلەتتى قازاقستان: ءبارىمىز جانە ءارقايسىمىز ءۇشىن. ءقازىر جانە ءاردايىم» اتتى سايلاۋالدى باعدارلاماسىندا اتالعان سالالاردى نىعايتۋعا باعىتتالعان بيىك ماقساتتاردى ايقىنداپ بەردى.
ۇكىمەتتىڭ باسپا ءسوز قىزمەتى مەملەكەت باسشىسىنىڭ سايلاۋالدى باعدارلاماسىن ىسكە اسىرۋ اياسىندا ق ر ۇكىمەتىنىڭ ءبىلىم جانە دەنساۋلىق ساقتاۋ سالالارىن دامىتۋ بويىنشا ءبىر جىل ىشىندە اتقارعان جۇمىسىنا شولۋ جاسادى6 دەپ حابارلايدى اlmaty-akshamy.kz.
1 قىركۇيەكتەن باستاپ قازاقستاندا اي سايىنعى مەملەكەتتىك شاكىرتاقى كولەمى: باكالاۆريات ستۋدەنتتەرىنە – 20%-عا، ماگيستراتۋرا مەن دوكتورانتۋرادا وقيتىندارعا – 15%-عا، تجكب ستۋدەنتتەرىنە – 50%-عا ارتتى.
جوو-لار مەن كوللەدجدەردىڭ جاتاقحانالارىندا ورىن تاپشىلىعى ءبىر جىل ىشىندە 3 ەسەگە جۋىق، 2022 جىلعى 62،8 مىڭ توسەك-ورىننان بيىلعى قازان ايىندا 23،9 مىڭعا دەيىن قىسقاردى.
1 قىركۇيەكتەن باستاپ رەسپۋبليكاداعى بارلىق 1-4 سىنىپ وقۋشىلارى ءۇشىن تەگىن ىستىق تاماق ۇيىمداستىرىلدى. 1،4 ملن بالا قامتىلدى. جەرگىلىكتى بيۋدجەتتەن 25 ملرد تەڭگە ءبولىندى.