Nur Otan پارتياسىنان سايلانعان الماتى قالاسى ءماسليحاتى دەپۋتاتتارىنىڭ الدىندا ءبىلىم بەرۋ نىساندارىن دامىتۋ باسىمدىققا يە جوبالاردىڭ تىزىمىندە ءبىرىنشى تۇر.
2021 جىلى Nur Otan پارتياسىنىڭ سايلاۋالدى باعدارلاماسى مەن جول كارتاسى باعدارلاماسىن جۇزەگە اسىرۋ بارىسىندا جەكە قارجى ەسەبىنەن 2656 ورىندىق 13 جەكە مەكتەپ اشىلدى. قاراپايىم مەكتەپتەردىڭ عيماراتىن جوندەۋدەن وتكىزىپ، وعان جالعاستىرا بولمەلەر سالۋ ارقىلى مەكتەپتى اۋدانداعى مادەني، الەۋمەتتىك قوعامدىق جانە سپورت ورتالىقتارىنا اينالدىرۋعا بولادى.
قالالىق ءماسليحات دەپۋتاتتارى ينۆەستورلارعا ينۆەستيسيالىق جوبالاردى قامتاماسىز ەتەدى. وسىنداي جوبالاردىڭ باستاماشىلدارىنا قولداۋ جاساپ، ارىپتەس پەن ينۆەستورلار ىزدەستىرۋدە زور قولداۋ كورسەتەدى.
الماتى قالاسىنىڭ اكىمى ب.ساعىنتايەۆتىڭ باستاماسىمەن شاھارىمىزدا ورتا مەكتەپتەرگە 11 جالعاستىرا سالىنعان جاپسارجايلاردىڭ ارقاسىندا مەكتەپتەر 4600 قوسىمشا ورىنمەن قامتاماسىز ەتىلدى.
ءماسليحات حاتشىسى ستانيسلاۆ كانكۋروۆتىڭ ايتۋىنشا، جالعاستىرا سالىنعان قۇرىلىس ەڭ كوپ دەگەندە ءۇش قاباتتى قۇرايدى. زاماناۋي كەڭ ءارى جارىق بلوكتار مەكتەپ اۋماعىندا بوي كوتەرەدى. وسىلايشا ءبىلىم وشاقتارىنداعى وقۋشى ورىندارىنىڭ تاپشىلىعىن جويۋ كوزدەلگەن.
«جول كارتاسى باعدارلاماسىنىڭ اياسىندا 2025 جىلعا دەيىن 1274 ءىس-شارا وتكىزۋ جوسپارلانعان. 11 ايدىڭ ىشىندە جالپى جوسپارلى ءىستىڭ 32،2% (410) ورىندالدى»، – دەدى س.كانكۋروۆ.