س.ج.اسفەندياروۆ اتىنداعى قازاق ۇلتتىق مەديسينا ۋنيۆەرسيتەتىندە «رەسپۋبليكالىق رەفەرەندۋم – قۇقىقتىق شىعارماشىلىقتى دەموكراتيالاندىرۋ جانە كونستيتۋسيالىق رەفورمانى زاڭداستىرۋ قۇرالى» اتتى دوڭگەلەك ۇستەل ءوتتى دەپ حابارلايدى almaty-akshamy.kz
شاراعا س.ج.اسفەندياروۆ اتىنداعى قازۇمۋ رەكتورى تالعات نۇرعوجين، زاڭ عىلىمىنىڭ دوكتورى، ۋنيۆەرسيتەت پروفەسسورى بينۇر تايتورينا، حالىقارالىق ءبىلىم بەرۋ كورپوراسياسىنىڭ ماركەتينگ دەپارتامەنتىنىڭ ديرەكتورى ديانا مالايەۆا جانە ۋنيۆەرسيتەت دەكاندارى، وقىتۋشىلارى قاتىستى.
س.ج.اسفەندياروۆ اتىنداعى قازۇمۋ پروفەسسورى، زاڭ عىلىمىنىڭ دوكتورى بينۇر تايتورينا رەفەرەندۋم تۋرالى تولىققاندى بايانداما جاساپ، جينالعانداردىڭ قويعان سۇراقتارىنا جاۋاپ بەردى.
«نەگىزگى تالقىلانعان ماسەلە – 5 ماۋسىم كۇنى وتەتىن رەفەرەندۋم. وزدەرىڭىز بىلەسىزدەر، رەفەرەندۋم ەلدىڭ ساياسي ومىرىندە ايتارلىقتاي ماڭىزى بار ءۇردىس. كونستيتۋسيالىق رەفورما – تاريحي وقيعا. رەفەرەندۋم تۋرالى تولىق اقپارات الىپ قانا قويماي، كۋاسى بولىپ، بارىپ قاتىسۋىمىز كەرەك. ۋنيۆەرسيتەت كولەمىندە رەفەرەندۋم تۋرالى شارالار ەكى اپتادان بەرى وتكىزىلىپ كەلە جاتىر. 1-2 كۋرستا، باكالاۆرياتتا، ينتەرناتۋرادا، رەزيدەنتۋرادا وقيتىن ستۋدەنتتەرگە، ۋنيۆەرسيتەت قىزمەتكەرلەرىنە رەفەرەندۋم تۋرالى تۇسىنىكتى تىلدە بايانداما جۇمىستارىن جۇرگىزدىك»،- دەدى ول.