ۇكىمەتتىڭ 28 ماۋسىمداعى قاۋلىسىمەن قازاقستان رەسپۋبليكاسىنىڭ ءبىلىم مينيسترلىگى تۋرالى ەرەجەگە وزگەرىستەر ەنگىزدى، دەپ حابارلايدى Almaty-akshamy.kz
ۆەدومستۆونىڭ فۋنكسيالارىنا قوسىلدى:
وبلىستىڭ، رەسپۋبليكالىق ماڭىزى بار قالانىڭ، استانانىڭ بالا قۇقىقتارى جونىندەگى وڭىرلىك ۋاكىلىنىڭ قىزمەت قاعيدالارىن ازىرلەۋ جانە بەكىتۋ؛
جالپى ءبىلىم بەرەتىن پاندەر بويىنشا رەسپۋبليكالىق جانە حالىقارالىق وليمپيادالار مەن عىلىمي جوبالار كونكۋرستارىن (عىلىمي جارىستاردى)، ورىنداۋشىلار كونكۋرستارىن، كاسىبي شەبەرلىك كونكۋرستارىن جانە سپورتتىق جارىستاردى ىرىكتەۋ قاعيدالارىن ازىرلەۋ جانە بەكىتۋ؛
كامەلەتكە تولماعاندارعا قاتىستى قورعانشىلىق نەمەسە قامقورشىلىق جونىندەگى فۋنكسيالاردى جۇزەگە اسىراتىن ورگانداردىڭ قىزمەتىن ۇيىمداستىرۋ قاعيدالارىن ازىرلەۋ جانە بەكىتۋ؛
زورلىق-زومبىلىققا، قاتىگەزدىككە، بۋللينگكە ۇشىراعان كامەلەتكە تولماعاندارعا، سونداي-اق جەكە ادامعا قارسى قۇقىق بۇزۋشىلىقتار جاسالعان كامەلەتكە تولماعاندارعا كومەك كورسەتۋ باعدارلامالارىن ازىرلەۋ جانە بەكىتۋ؛
ءبىلىم بەرۋ-ساۋىقتىرۋ ۇيىمدارى قىزمەتىنىڭ جانە ولاردىڭ ءتيىستى تۇرلەرىنىڭ ۇلگىلىك قاعيدالارىن ازىرلەۋ جانە بەكىتۋ (2025 جىلعى 1 قاڭتاردان باستاپ).
بۇل رەتتە مينيسترلىكتىڭ ءبىرقاتار فۋنكسيالارى الىنىپ تاستالدى:
حالىقتى الەۋمەتتىك قورعاۋ جانە دەنساۋلىق ساقتاۋ سالاسىنداعى ۋاكىلەتتى ورگاندارمەن كەلىسىم بويىنشا ارناۋلى الەۋمەتتىك قىزمەتتەر كورسەتەتىن سۋبەكتىنىڭ مەنشىك نىسانىنا قاراماستان، الەۋمەتتىك قىزمەتكەرلەرگە قويىلاتىن بىلىكتىلىك تالاپتارىن جانە ولاردى اتتەستاتتاۋ قاعيدالارىن ازىرلەۋ جانە بەكىتۋ؛
الەۋمەتتىك قىزمەتكەرلەر ماماندىقتارىنىڭ تىزبەسىن، ولاردى دايارلاۋ جانە بىلىكتىلىگىن ارتتىرۋ ستاندارتتارىن بەكىتۋ؛
ءبىلىم بەرۋ ۇيىمدارىندا بالالاردى تاماقتاندىرۋدى ۇيىمداستىرۋ، بالالاردى مەكتەپكە اپارۋ، قاداعالاۋسىز قالۋدىڭ جانە قۇقىق بۇزۋشىلىقتاردىڭ الدىن الۋ بويىنشا ق ر زاڭناماسىنىڭ ورىندالۋىنا باقىلاۋدى جۇزەگە اسىرۋ؛
ديەۆيانتتى مىنەز-قۇلقى جانە ەرەكشە كۇتىم رەجيمى بار بالالارعا ارنالعان ارنايى ءبىلىم بەرۋ ۇيىمدارىنىڭ قىزمەتىنە باقىلاۋدى جۇزەگە اسىرۋ؛
بالانىڭ قۇقىقتارى مەن زاڭدى مۇددەلەرىن قامتاماسىز ەتۋگە باعىتتالعان ق ر بالا قۇقىقتارى زاڭناماسىنىڭ ساقتالۋىن باقىلاۋدى جۇزەگە اسىرۋ.
قاۋلى 2025 جىلعى 1 قاڭتاردان باستاپ قولدانىسقا ەنگىزىلەتىن نورمانى قوسپاعاندا، 2024 جىلعى 28 ماۋسىمنان باستاپ قولدانىسقا ەنگىزىلدى.