بۇدان بۇرىن بۇگىن ءتىزىم جاريالاناتىنىن حابارلاعانبىز.
2022-2023 وقۋ جىلىنا ارنالعان ءبىلىم گرانتى يەگەرلەرىنىڭ ءتىزىمى جاريالاندى، دەپ حابارلايدى Almaty-akshamy.kz.
دايىن سەرتيفيكاتتاردى تالاپكەرلەر عىلىم جانە جوعارى ءبىلىم مينيسترلىگى جانىنداعى ۇلتتىق تەستىلەۋ ورتالىعىنىڭ grant.testcenter.kz سايتىنان جۇكتەي الادى.
عىلىم جانە جوعارى ءبىلىم مينيسترلىگىنىڭ حابارلاۋىنشا، بىرنەشە جىل قاتارىنان تالاپكەرلەردىڭ تاڭداۋى وزگەرىسسىز قالىپ وتىر. ياعني وتىنىشتەردىڭ كوبى «پەداگوگيكالىق عىلىمدار»، «ينجەنەرلىك، وڭدەۋ جانە قۇرىلىس سالالارى» مەن «اقپاراتتىق-كوممۋنيكاسيالىق تەحنولوگيالار» سياقتى باعىتتارعا بەرىلدى. ءبىر گرانتتىق ورىنعا ەڭ ۇلكەن كونكۋرس بولاشاق مۇعالىمدەر، ءتىس دارىگەرلەرى جانە ينجەنەرلەر اراسىندا بولدى.
ەسكە سالا كەتەيىك، بيىل الەۋمەتتىك وسال ساناتتاعى بالالارعا بولىنگەن گرانت سانى ارتتى، ياعني كوپ بالالى نەمەسە تولىق ەمەس وتباسىلاردان شىققان بالالار، سونىمەن قاتار ەرەكشە ءبىلىم بەرۋ قاجەتتىگى بار بالالاردى تاربيەلەپ وتىرعان وتباسىلاردان شىققان تالاپكەرلەر گرانت الۋدا باسىمدىققا يە بولدى.
جوعارى وقۋ ورىندارىنا قۇجاتتاردى تاپسىرۋ 25 تامىزعا دەيىن جۇزەگە اسىرىلادى.
مەملەكەتتىك ءبىلىم گرانتى يەگەرلەرىنىڭ ەسىمدەرىن مىنا جەردەن كورە الاسىز.