قازاقستانداعى ەڭ ءىرى ونلاين بيلەتتەردى ساتىپ الۋ جۇيەسى «تيكەتون» قىزمەتى رەبرەندينگ تۋرالى حابارلايدى. ەندى «تيكەتون»-دا Freedom Holding Corp. ەكوجۇيەلىك كومپانيالارىنىڭ ەرەكشە ستيلدەگى بىرەگەي، تانىمال جاڭا لوگوتيپى بولادى.
جاڭارتىلعان بەلگىدە Freedom Holding Corp. لوگوتيپىن بەينەلەيتىن لاتىننىڭ «F» ءارپى بار. ورتاق ستيل سيفرلىق ەكوجۇيەنىڭ قامقورلىعىمەن بارلىق جوبالاردى بىرىكتىرەدى. ولار حولدينگتىڭ ءتورت نەگىزگى ەرەجەسىن كورسەتەدى: سەنىمدىلىك، كوشباسشىلىق، يننوۆاسيا جانە قارجى.
Freedom Holding Corp. كومپانياسىنىڭ باس اتقارۋشى ديرەكتورى تيمۋر تۋرلوۆ:
«سيفرلىق قىزمەتتەردىڭ اياسىن كەڭەيتۋ جانە ولاردى كليەنتتەر ءۇشىن قولدانۋ پروسەسىن جەڭىلدەتۋ – ءبىزدىڭ دامۋىمىزدىڭ باسىم باعىتتارىنىڭ ءبىرى. Freedom ەكوجۇيەسىنىڭ باعىتىن كەڭەيتە وتىرىپ، ءبىز ونىڭ سەگمەنتىندە نارىق كوشباسشىسىن تاڭدادىق. جەتىلدىرىلگەن «تيكەتون» قىزمەتى بۇگىندە قازاقستاندىقتاردىڭ ومىرىنە ەرەكشە قۋانىش سىيلاپ، ولارعا ەلدەگى ەڭ قىزىقتى وقيعالاردىڭ قاتىسۋشىسى بولۋعا مۇمكىندىك بەرەدى. وسى جىلدار ارالىعىندا ول ءارى قاراي ءوسۋ ءۇشىن ۇلكەن الەۋەتتى جەتەكشى ونلاين بيلەتتەر وپەراتورى رەتىندە ءوزىنىڭ جەتەكشى پوزيسياسىن دالەلدەدى. بولاشاقتا كومپانيا قازاقستاننىڭ شىعارماشىلىق يندۋسترياسى مەن ەكونوميكاسىنا ايتارلىقتاي ۇلەس قوسا وتىرىپ، الەمدىك دەڭگەيدەگى جۇلدىزداردىڭ كونسەرتتەرىنىڭ نەگىزگى جەتكىزۋشىسى بولا الادى».
ويىن-ساۋىق نارىعى - ەل ەكونوميكاسىنىڭ قارقىندى دامىپ كەلە جاتقان سالالارىنىڭ ءبىرى. ويىن-ساۋىق يندۋسترياسىنىڭ كولەمى، «تيكەتون» سەرۆيسىنىڭ مالىمەتى بويىنشا، 2022 جىلمەن سالىستىرعاندا 30%-عا ءوسىپ، 56،9 ملرد تەڭگەنى قۇرادى. سونىمەن قاتار كومپانيا جۇرگىزگەن باعالاۋعا سايكەس، ول ونلاين بيلەتتەردى ساتۋ نارىعىنىڭ 80% ۇلەسىنە يە. 2024 جىلى سالا 22%-عا ءوسىپ، 69 ميلليارد تەڭگەنىڭ تاۋار اينالىمىن جاسايدى دەپ كۇتىلۋدە. «تيكەتون»-دا كۇن سايىن 10-نان 25 مىڭعا دەيىن بيلەت ساتىلادى، ال پلاتفورما جۇمىس ىستەگەن جىلدارداعى ولاردىڭ جالپى سانى ءقازىردىڭ وزىندە 16 ميلليوننان استى. 2023 جىلى 1335 گاسترولدىك ءىس-شارا قامتىلعان، بۇل الدىڭعى جىلمەن سالىستىرعاندا ەكى ەسەگە جۋىق كوپ. وتكەن جىلى كومپانيا 19،1 ملرد تەڭگە تاۋار اينالىمىنا قول جەتكىزدى، بۇل 2022 جىلمەن سالىستىرعاندا 66%-عا ارتىق.
«تيكەتون» باس ديرەكتورى ۆيكتوريا تورگۋناكوۆا:
«رەبرەندينگ – ءبىزدىڭ كومپانيانىڭ دامۋىنداعى ماڭىزدى كەزەڭ. Freedom Holding كورپوراسياسىنىڭ ءبىر بولىگى بولا وتىرىپ، ءبىز سىرتقى بەينەمىزدى وزگەرتىپ قانا قويمايمىز. ەڭ الدىمەن، ءوز كليەنتتەرىمىز بەن سەرۆيستى پايدالانۋشىلار ءۇشىن جاڭا مۇمكىندىكتەر اشامىز. ءبىز ەكوجۇيەنىڭ باسقا ەلەمەنتتەرىمەن ينتەگراسيالانامىز جانە كليەنتتەر ءۇشىن كەشەندى ونىمدەر جاسايمىز. ءبىز قىزمەت كورسەتۋدىڭ جاڭا، جوعارى دەڭگەيىنە جەتەمىز، سونىمەن قاتار جاڭا IT شەشىمدەرىن ەنگىزۋدى جوسپارلاپ وتىرمىز. كومپانيانىڭ باستى ماقساتتارىنىڭ ءبىرى - ءىس-شارا بيلەتتەرىن ونلاين ساتۋ نارىعىندا جوعارى تەحنولوگيالىق فينتەح قىزمەتى بولۋ. قازاقستاندىقتاردى الدا «تيكەتون» باستاماسىمەن بۇدان دا قىزىقتى وقيعالار كۇتىپ تۇر».
كومپانيا 2022 جىلدىڭ قىركۇيەگىندە Freedom Holding Corp. قۇرامىنا كىردى.
انىقتاما:
Freedom Holding Corp. - ەنشىلەس كومپانيالارى ارقىلى قارجىلىق قىزمەتتەردى، بروكەرلىك بولشەك ساۋدا، ينۆەستيسيالىق كەڭەس بەرۋ، باعالى قاعازدارمەن ساۋدا، ينۆەستيسيالىق بانكينگ جانە اندەررايتينگ قىزمەتتەرىن ۇسىناتىن حولدينگتىك كومپانيا. قازىرگى تاڭدا حولدينگتىڭ جاي اكسيالارى KASE Nasdaq Capital Market-تە ساۋدالانادى.
Ticketon - 2012 جىلى قۇرىلعان ونلاين بيلەتتەردى ساتۋ قىزمەتى. قازاقستاننىڭ 40-تان استام قالاسىندا جانە ورتالىق ازيانىڭ ءۇش ەلىندە: وزبەكستان، قىرعىزستان جانە تاجىكستاندا بار. تۇتىنۋشى بازاسى 1،6 ميلليوننان استام ادامدى قۇرايدى. قىزمەت 42 كينوتەاتردى، 70 تەاتردى، 149 كونسەرتتىك زالدى جانە 51 سپورت الاڭىن قامتيدى.