بيىك وكشەلى اياق كيىمدەر شامامەن ءىح عاسىردا پايدا بولعان. ونى ادامزات تاريحىندا العاش رەت پارسىلىق اتتى اسكەرلەر كيگەن.
زەرتتەۋلەر بويىنشا، بيىك وكشەلى اياق كيىم كيۋ ءداستۇرى ەجەلگى ەگيپەتتەن باستاۋىن الادى. ودان سوڭ پارسى شىعاناعى، كەيىن كەلە ەۋروپادا بيىك وكشەلى اياق-كيىم كيۋ سانگە اينالدى، دەپ حابارلايدى Almaty-akshamy.kz.
العاش گرەك اكتەرلارى ساحنادا بويلارىن ۇزىن ەتىپ كورسەتۋ ءۇشىن بيىك وكشەلى اياق-كيىمدەردى كيىپ باستاعان بولسا، ەۋروپادا وفيسەرلەر اتقا مىنگەندەگى قولايلىلىعى ءۇشىن بيىك وكشەلى اياق كيىمدىڭ تاڭداعان. Bata Shoe مۋزەيىنىڭ قىزمەتكەرى ەليزابەت زەممەلحاكتىڭ ايتۋىنشا، ولار تاقاسى ۇزىن اياق كيىمدى ات ۇستىندە ساداق تارتقاندا تەپە-تەڭدىك ۇستاۋ ءۇشىن كيگەن.
بيىك وكشەلى اياق-كيىمدەردىڭ سىرت كەلبەتتى سۇلۋلىققا بولەپ، اياقتاردى سىمباتتى ەتىپ، بويدى ۇزارتىپ كورسەتەتىن ەرەكشە قاسيەتى بار. سوندىقتان دا نازىك جاندى ارۋلار اياق-كيىمنىڭ بۇل تۇرىنە قۇمار-اق.
قىزىعى - بۇگىنگى تاڭدا الەمدىك ءسان يندۋسترياسىندا بيىك وكشەلى اياق كيىمدى تاڭداپ، وعان قىزىعۋشىلىق تانىتاتىن ەر-ازاماتتار قاۋىمىنىڭ كوپتىگى. وعان Rick Owens، Christian Louboutin سەكىلدى برەندتەردىڭ ىقپالى مول. ءسان اۋەسقويلارى بەرگەن سۇقباتتارىندا بۇل گەندەرلىك ستەرەوتيپتەردى جويۋدىڭ ءبىر جولى دەيدى.