ول ەكىنشى تۋردا جەرگىلىكتى شاحماتشى لەلا دجاۆاحيشۆيليمەن تەڭ وينادى.
ءبيبىسارا اساۋبايەۆا شاحماتتان ايەلدەر اراسىندا گرۋزيانىڭ استاناسى تبيليسي قالاسىندا ءوتىپ جاتقان 2024-2025 جىلعى گران-پريدىڭ العاشقى كەزەڭىندە كوش باستادى، دەپ حابارلايدى aqshamnews.kz
كەشە اساۋبايەۆا يسپانيا قۇراماسى اتىنان قاتىسىپ جاتقان يراندىق شاحماتشى ساراسادات حادەمالشارەحپەن اق تاستارمەن ويناپ، ايقىن باسىمدىقپەن جەڭىسكە جەتتى.
ەندى ءۇشىنشى راۋندتا ءبيبىسارا اساۋبايەۆا ۋكراينانىڭ وكىلى ماريا مۋزىچكپەن، سودان كەيىن الينا كاشلينسكامەن وينايدى.
گرۋزيانىڭ استاناسى تبيليسي قالاسىندا حالىقارالىق شاحمات فەدەراسياسىنىڭ (FIDE) ايەلدەر اراسىندا شاحماتتى دامىتۋعا باعىتتالعان ەڭ ۇلكەن ءتۋرنيرى جالاۋ كوتەرەدى. قازاقستان اتىنان ءبيبىسارا اساۋبايەۆا ايەلدەر اراسىنداعى 2024-2025 جىلعى گران-پريدىڭ بارلىق كەزەڭىندە جالعىز ءوزى سىنعا ءتۇسىپ جاتىر.