قازاقستان بياتلونشىلار وداعى جاتتىقتىرۋشىلار شتابىمەن بىرلەسىپ، الداعى يتاليادا وتەتىن قىسقى وليمپيادا ويىندارىندا ەل نامىسىن قورعايتىن سپورتشىلاردىڭ ءتىزىمىن رەسمي تۇردە بەكىتتى، - دەپ حابارلايدى aqshamnews.kz ءتىلشىسى.
ەسكە سالايىق، ىرىكتەۋ كەزەڭىنىڭ قورىتىندىسى بويىنشا ۇلتتىق قۇراما ءتورت سپورتشىدان (ەكى ەر، ەكى ايەل) قۇرالادى.
جاتتىقتىرۋشىلار كەڭەسىنىڭ شەشىمىمەن ۆلاديسلاۆ كيرەيەۆ، اسەت دۇيسەنوۆ، ميلانا گەنيەۆا جانە ايشا راكيشيەۆا وليمپيادادا قازاقستان اتىنان سىنعا تۇسەتىن بولدى.
فەدەراسيانىڭ باسپا ءسوز قىزمەتىنىڭ حابارلاۋىنشا، بۇل قۇرام - ۇلتتىق قۇرامانىڭ تاريحىنداعى ەڭ جاس كوماندالاردىڭ ءبىرى. سپورتشىلار ورتاشا 24-25 جاستا.
قازىرگى تاڭدا قۇراما چەحيادا وقۋ-جاتتىعۋ جيىنىنا قاتىسۋدا جانە الەم كۋبوگىنىڭ كەزەكتى كەزەڭىندە ب ا ق سىنايدى. بۇل تۋرنير وليمپياداعا دايىندىقتىڭ سوڭعى كەزەڭى بولماق. ودان كەيىن وليمپيادالىق قۇراما يتالياعا وقۋ-جاتتىعۋ جيىنىنا اتتانادى.
ايتا كەتەيىك، 2026 جىلعى وليمپيادا ويىندارىندا بياتلون جارىستارى 8 اقپاندا باستالادى.