اتالمىش فيلم «ەڭ ۇزدىك قىسقامەتراجدى انيماسيالىق فيلم» جۇلدەسىن الدى.
ق ر مادەنيەت جانە سپورت مينيسترلىگىنىڭ مالىمەتىنشە، "بەسىك جىرى" قىسقامەتراجدى انيماسيالىق ءفيلمى يسپانيا استاناسى مادريدتە وتكەن بەدەلدى كينوفەستيۆالدە 1500 ۇمىتكەردىڭ ىشىندە ەڭ ۇزدىگى رەتىندە تانىلدى، دەپ حابارلايدى Almaty-akshamy.kz
ق ر مادەنيەت جانە سپورت مينيسترلىگىنىڭ قولداۋىمەن جارىققا شىققان "بەسىك جىرى" قىسقامەتراجدى انيماسيالىق ءفيلمى "ەڭ ۇزدىك قىسقامەتراجدى انيماسيالىق فيلم" جۇلدەسىن جەڭىپ الدى.
"MADFA Madrid Film Awards – 2023 20-شى حالىقارالىق بايقاۋعا 1500 انيماسيالىق جۇمىس ۇمىتكەر رەتىندە ۇسىنىلدى"، دەلىنگەن ق ر مادەنيەت جانە سپورت مينيسترلىگىنىڭ اقپاراتىندا.
ر مادەنيەت جانە سپورت ءمينيسترى اسحات ورالوۆ "قازاقستاندىق انيماسيالىق ءفيلمنىڭ بەدەلدى حالىقارالىق بايقاۋدىڭ باس جۇلدەسىن يەلەنگەنى – وتاندىق انيماسيا سالاسىنىڭ وڭ باعىتتا دامىپ كەلە جاتقانىنىڭ كورسەتكىشى دەپ ساناۋعا بولاتىنىن" اتاپ ءوتتى.
"مادەنيەت جانە سپورت مينيسترلىگى 2030 جىلعا دەيىن جالپى پروكاتتاعى قازاقستاندىق فيلمدەردىڭ، ونىڭ ىشىندە انيماسيالىق فيلمدەردىڭ ۇلەسىن 35%-عا دەيىن ارتتىرۋدى جوسپارلاپ وتىر. ول ءۇشىن جىل سايىن كەمىندە 10 انيماسيالىق جوبا جاسالاتىن بولادى. وتكەن جىلى ەلىمىزدە العاش رەت «قازاقانيماسيا» شىعارماشىلىق بىرلەستىگى قۇرىلدى. اتالعان ۇيىم وتاندىق انيماسيا ماماندارىنىڭ شەبەرلىگىن شىڭداپ، انيماسيالىق جوبالاردى شىعارۋعا قولداۋ كورسەتەدى"، - دەدى ق ر مادەنيەت جانە سپورت ءمينيسترى اسحات ورالوۆ.
مادريد كينوجۇلدەسى MADFA (MFA) IMDb رەسمي كونكۋرسىنا كىرەدى. فەستيۆال جىل سايىن ءوز الاڭىندا الەمنىڭ ەڭ ۇزدىك تۋىندىلارى مەن تالانتتى رەجيسسەرلەردىڭ باسىن قوسادى.