ۇقك ەلىمىزدىڭ ەكى قالاسى مەن ءۇش وبلىسىندا جەدەل-تەرگەۋ شارالارىن جۇرگىزۋ كەزىندە ق ر كولىك مينيسترلىگى كولىكتىك باقىلاۋ ينسپەكسياسىنىڭ ءبىر توپ قىزمەتكەرىن ۇستادى.
ۇستالعاندار جۇك كولىگى جۇرگىزۋشىلەرىنەن جۇيەلى تۇردە اقشا بوپسالادى دەگەن كۇدىككە ءىلىندى، دەپ حابارلايدى اlmaty-akshamy.kz.
2023 جىلعى 21 قاراشادا ۇلتتىق قاۋىپسىزدىك كوميتەتى باس پروكۋراتۋرانىڭ ۇيلەستىرۋىمەن استانا، شىمكەنت قالالارىندا، سونداي-اق اقتوبە، قاراعاندى جانە قىزىلوردا وبلىستارىندا جەدەل-تەرگەۋ شارالارىنىڭ شەڭبەرىندە كولىك مينيسترلىگى كولىكتىك باقىلاۋ ينسپەكسياسىنىڭ ءبىرقاتار جۇمىسشىلارىن ۇستادى.
ولار سالماقتىق جانە گاباريتتىك پارامەترلەرىن بۇزعان اۆتوكولىكتەردى بوگەتسىز وتكىزۋگە كاسىپكەرلەردەن اقشالاي قاراجاتتى جۇيەلى تۇردە بوپسالاعاندارى ءۇشىن كۇدىكتى بولۋدا.
قىلمىستىق كودەكستىڭ 366-بابى بويىنشا سوتقا دەيىنگى تەرگەپ-تەكسەرۋ جۇرگىزىلۋدە.
"قىلمىستىق-پروسەستىك كودەكستىڭ 201-بابى 1-بولىگىنە سايكەس وزگە اقپاراتتار جاريالانۋعا جاتپايدى."ۇقك باسپا ءسوز قىزمەتى