گەرمانيادا قازاقستاندىق سۋرەتشىنىڭ كورمەسى اشىلدى
قازاقستان تاۋەلسىزدىگىنىڭ 30 جىلدىعىنا وراي - 30 تۋىندى. گەرمانيا استاناسىندا سۋرەتشى ماديحان قالماحانوۆتىڭ جەكە كورمەسى ءوتىپ جاتىر، دەپ حابارلايدى Almaty-akshamy.kz
بەرليندەگى گالەرەيالاردىڭ بىرىندە قانات جايعان ەكسپوزيسيادا قازاقتىڭ تازىسى، تۇلپارلار بەينەلەنگەن كارتينالار قويىلدى. سونىمەن قاتار كەلگەن قوناقتار ناتيۋرمورت، پەيزاج، پورترەت جانرلارىنداعى تۋىندىلاردى دا تاماشالاي الادى. كورمە قاراشا ايىنىڭ سوڭىنا دەيىن جالعاسادى.
«وسى تۋىندىعا جوعارى باعا بەرگەن ءبىر نەمىس سۋرەتشىسى بولدى. ول اينەكتىڭ شاعىلىسۋىن ۇلكەن شەبەرلىكپەن ەكىنىڭ ءبىرى جەتكىزە المايتىنىن، بۇعان كوزى وتكىر، قولى التىن جانە شىعارماشىلىق الەۋەتى زور سۋرەتشىنىڭ قابىلەتى عانا جەتەتىنىن ايتقان ەدى. قازاقستانعا دەگەن قىزىعۋشىلىق ۇلعايۋدا. قازاق ونەرىن الەمدىك شىعارماشىلىق الەمىنە قوسىلعان ەڭ قىزىقتى جانە ەرەكشە ونەر دەپ اتار ەدىم»، - دەيدى Ars Pro Dono گالەرەياسىنىڭ نەگىزىن قالاۋشى الەكسەي شراينەر.