تانىمال قازاق جازۋشىسى بەردىبەك سوقپاقبايەۆتىڭ 100 جىلدىعى تۇركى دۇنيەسى مادەنيەت ورتالىعىندا سالتاناتتى تۇردە اتاپ ءوتىلدى، دەپ حابارلايدى aqshamnews.kz.
شارا اياسىندا جازۋشىنىڭ تۇرىك تىلىنە اۋدارىلعان «ولگەندەر قايتىپ كەلمەيدى» كىتابىنىڭ تۇساۋى كەسىلدى. اۋدارعان تۇرىك عالىمى حۋسەين ۆارول.
شارادا تۇركسوي ۇيىمىنىڭ باس حاتشىسى سۇلتان رايەۆتىڭ سالەمىن قازاقستاننىڭ وكىلى باقىتجان ومار جەتكىزدى. ستامبۇلعا الماتى وبلىسىنىڭ مادەنيەت باسقارماسىنىڭ باسشىسى دانيار الييەۆ باستاعان دەلەگاسيا ارنايى كەلگەن. ولاردىڭ اراسىندا جازۋشىنىڭ قىزى سامال سوقپاقبايەۆا دا بار.
تۇرىك جانە باشقۇرت عالىمدارى بەردىبەك سوقپاقبايەۆتىڭ شىعارماسىمەن جاقىننان تانىسىپ، العان اسەرلەرىمەن ءبولىستى. جازۋشىنىڭ مەرەيتويى 6 قاراشا كۇنى يۋنەسكو-نىڭ باس شتاب-پاتەرىندە اتاپ وتىلەدى.
بۇل شارا جازۋشىنىڭ شىعارماشىلىعىن ناسيحاتتاۋعا جانە مادەني بايلانىستاردى نىعايتۋعا باعىتتالعان ماڭىزدى شارا بولىپ تابىلادى.
قالامگەردىڭ «مەنىڭ اتىم قوجا»، «بالالىق شاققا ساياحات»، «16 جاسار چەمپيون» سىندى شىعارمالارى دا وقىرمانعا ەتەنە تانىس. جازۋشىنىڭ ەڭبەكتەرى بۇگىنگە دەيىن الەمنىڭ 68 تىلىنە اۋدارىلعان. ال تۇرىك جازۋشىسى اۋدارماعا 2 جىل ۋاقىتىن جۇمساپتى.