بولات اقشولاقوۆ قازاقستاندا بەنزين باعاسى ەڭ ارزان ەكەنىن ايتا كەلە، ەلدە اي-92 بەنزينى 11 پايىزعا قىمباتتايتىنىن ءمالىم ەتتى.
ءتيىستى بۇيرىق بۇگىن ەنگىزىلەدى، دەپ حابارلايدى Almaty-akshamy.kz Ulysmedia.kz-كە سىلتەمە جاساپ.
«ىشكى نارىقتاعى جانارماي جاعدايىن تۇراقتاندىرۋ ءۇشىن قازاقستاننىڭ كورشى ەلدەرمەن سالىستىرعانداعى باعا ايىرماشىلىعىن وزگەرتۋ قاجەت. بۇل قيىن، ءبىراق قاجەت شەشىمگە بارۋىمىز كەرەك. ونى مويىنداۋ كەرەك.
ق ر ەنەرگەتيكا ءمينيسترىنىڭ مىندەتىن اتقارۋشى بولات اقشولاقوۆ ەلىمىزدە جانارماي باعاسىنىڭ وسۋىنە قانداي سەبەپتەر اسەر ەتىپ وتىرعانىن ايتتى.
«ەلىمىزدەگى ءۇش مۇناي وڭدەۋ زاۋىتىندا جاڭعىرتۋ جۇمىستارى اياقتالعاننان كەيىن، مۇناي وڭدەۋ كولەمى 3 ملن تونناعا ءوستى. ءقازىر جىلىنا شامامەن 17 ملن توننا شيكى مۇناي وندەلىپ جاتىر (بيتۋم زاۋىتىن قوسپاعاندا). كەيىنگى 5 جىلدا بەنزين شىعارۋ كولەمىن 70%-عا (3 ملن توننادان 5 ملن تونناعا دەيىن)، ديزەل وتىنىن 30%-عا وسىردىك (جىلىنا 4 ملن-نان 5،2 ملن تونناعا دەيىن). بىلتىر ديزەل وتىنىن ءوندىرۋ بويىنشا رەكوردتىق كورسەتكىشكە، ياعني 5،2 ملن تونناعا جەتسەك تە، قازىرگى جاعدايدا ەلىمىزدىڭ ءبىرقاتار وڭىرىندە ديزەل تاپشىلىعى بار. 350 مىڭ توننا كولەمىندەگى تاپشىلىقتى (قىسقى دت قوسپاعاندا) قىمبات يمپورتتىق وتىنمەن جابۋعا ءماجبۇر بولدىق. وسى ورايدا، ەكونوميكاداعى ماڭىزدى ونەركاسىپ سەكتورى بولىپ سانالاتىن تاۋ-كەن مەتتاللۋرگيا كەشەنى جانە تەمىرجول سالالارىنىڭ تۇتىنۋ كولەمى سول قالپىندا قالدى، ياعني وسكەن جوق»، - دەدى ب. اقشولاقوۆ ورتالىق كوممۋنيكاسيالار قىزمەتىندەگى باسپا ءسوز ءماسليحاتىندا.
بولشەك ساۋداداعى جانارماي باعاسىن كوتەرۋ قاجەت. ونىڭ ىشىندە اي-92 مەن اي-92 ماركالى بەنزينگە باعانى ليترىنە 182-187 تەڭگەدەن 200 تەڭگەگە قىلۋ. ءوسىمى 11 پايىز.
ديزەل وتىنىنىڭ باعاسىن ليترىنە 295 تەڭگەگە، ءوسىم 20 پايىز. ءقازىر وڭىرگە بايلانىستى باعا 230-260 تەڭگەگە دەيىن بولىپ تۇر.
«وسى بۇيرىقتىڭ جوباسىن بۇگىن جاريالايمىز»، – دەدى ول.