بۇگىن الماتى قالاسىنىڭ جۇمىسپەن قامتۋ جانە الەۋمەتتىك باعدارلامالار باسقارماسىنا قاراستى بەلسەندى ۇزاق ءومىر ءسۇرۋ ورتالىعىنىڭ مەدەۋ اۋداندىق بولىمىندە ورتالىق قىزمەت الۋشىلارىنا ارنالعان «قازاق ويۋ-ورنەكتەرى» تاقىرىبىندا قازاق ءتىلى بويىنشا اشىق ساباق ءوتتى. ءىس-شارا الەۋمەتتىك-بىلىم بەرۋ قىزمەتتەرى اياسىندا ۇيىمداستىرىلىپ، اعا بۋىن وكىلدەرىنىڭ تانىمدىق بەلسەندىلىگىن ارتتىرۋعا جانە ۇلتتىق مادەنيەتكە باۋلۋعا باعىتتالدى.
ساباقتى بەلسەندى ۇزاق ءومىر ءسۇرۋ ورتالىعىنىڭ قازاق ءتىلى ءپانىنىڭ وقىتۋشىسى بورتكەنوۆا رايحان جۇماجان قىزى جۇرگىزدى. ساباق بارىسىندا قاتىسۋشىلار قازاق ويۋ-ورنەكتەرىنىڭ شىعۋ تاريحىمەن، ولاردىڭ تۇرلەرى مەن جىكتەلۋىمەن، سونداي-اق ۇلتتىق ورنەكتەردىڭ كىلەمدەردە، كيىمدەردە جانە اشەكەي بۇيىمداردا قولدانىلۋ ەرەكشەلىكتەرىمەن تانىستى. قازاق ويۋ-ورنەكتەرىنىڭ حالىقتىڭ دۇنيەتانىمىن، مادەنيەتى مەن رۋحاني قۇندىلىقتارىن بەينەلەيتىن ماڭىزدى مۇرا ەكەنىنە ەرەكشە نازار اۋدارىلدى.
اشىق ساباق جىلى ءارى مەرەكەلىك اتموسفەرادا ءوتتى. ءىس-شارا كوركەم «شاشۋ» قازاق بيىمەن باستالىپ، مەرەكەلىك كوڭىل-كۇي سىيلادى. باعدارلاما اياسىندا ۇلتتىق ونەرگە ارنالعان بەينەماتەريالدار كورسەتىلدى: سۋرەتتەر، پاننو، ۇلتتىق كيىمدەر مەن باس كيىمدەر ەلەمەنتتەرى، سونداي-اق ءداستۇرلى ويۋ-ورنەكتەرمەن بەزەندىرىلگەن تۇرمىستىق بۇيىمدار — كىلەمدەر، كورپەشەلەر مەن جامىلعىلار ۇسىنىلدى.
ساباق قازاق جانە ورىس تىلدەرىندە جۇرگىزىلىپ، بۇل ماتەريالدى قابىلداۋدى جەڭىلدەتىپ، ۇرپاقتار مەن مادەنيەتتەر اراسىنداعى بايلانىستى نىعايتتى. ءىس-شارانىڭ قورىتىندى بولىمىندە قازاقتىڭ ۇلتتىق ويۋ-ورنەكتەرىمەن اشەكەيلەنگەن ۇلتتىق كيىمدەر دەفيلەسى ءوتتى. كەزدەسۋ سوڭىندا قاتىسۋشىلارمەن ەركىن فورماتتا پىكىر الماسۋ ۇيىمداستىرىلىپ، سۇراقتارعا جاۋاپ بەرىلدى، جىلى لەبىزدەر مەن العىس سوزدەر ايتىلدى.
وسىنداي مادەني-بىلىم بەرۋ ءىس-شارالارى بەلسەندى ۇزاق ءومىر ءسۇرۋ ورتالىعىنىڭ قىزمەتىندەگى ماڭىزدى باعىتتاردىڭ ءبىرى بولىپ تابىلادى جانە اعا بۋىن وكىلدەرىنىڭ ۇلتتىق مۇرانى ساقتاۋعا، قوعامدىق جانە مادەني ومىرگە بەلسەندى ارالاسۋىنا ىقپال ەتەدى.
الماتى قالاسىنىڭ جۇمىسپەن قامتۋ جانە الەۋمەتتىك باعدارلامالار باسقارماسىنا قاراستى بەلسەندى ۇزاق ءومىر ءسۇرۋ ورتالىعى اعا بۋىن وكىلدەرىن الەۋمەتتىك قولداۋ، وقىتۋ جانە ولاردىڭ شىعارماشىلىق ءارى زياتكەرلىك الەۋەتىن دامىتۋعا باعىتتالعان باعدارلامالاردى جۇزەگە اسىرۋدى جالعاستىرىپ، بەلسەندى ءارى تولىققاندى ۇزاق ءومىر سۇرۋگە جاعداي جاساۋدا.