الماتى قالاسى الاتاۋ اۋدانىندا سايلاۋشىلارعا ارنايى سىيلىقتار بەرىلىپ جاتىر.
سايلاۋ ۋچاسكەسىندە كامەلەت جاسىنا تولىپ، العاش رەت داۋىس بەرگەلى وتىرعان ەلىمىزدىڭ جاس ازاماتتارى دا، جايسىز اۋا رايىنا قاراماستان، داۋىس بەرۋگە كەلگەن قاريالار دا نازاردان تىس قالعان جوق. ولارعا دا تارتۋ-تارالعىلار جاسالدى.
«بۇل - ءبىزدىڭ ازاماتتىق بورىشىمىز. ءبىز ەلىمىزدىڭ بولاشاعىنا ۇلكەن سەنىم ارتامىز»، - دەيدى بۇگىن اۋا رايى كۇرت بۇزىلعانىنا قاراماي، داۋىس بەرۋگە كەلگەن الاتاۋ تۇرعىنى جانبولات تەمىرعالييەۆ.
جالپى، اۋداننىڭ سايلاۋ ۋچاسكەلەرىندە وتباسىمەن كەلگەن داۋىس بەرۋشىلەرگە دە ارنايى سىيلىقتار قاراستىرىلعان. ولاردىڭ العاشقىلارى تۇرعىندارعا بەرىلىپ تە ۇلگەردى. اۋدان بويىنشا وسىنداي بارلىعى 20-عا جۋىق سىيلىق بەرىلەدى.
ايتا كەتكەن ءجون، ءاربىر ءساتتى داۋىس بەرگەن جۇزدىكتى تولىقتىراتىن سايلاۋشىلارعا دا (100ء-شى، 200ء-شى جانە ت.ب) ارنايى دايىندالعان سىيلىقتار بار.