بۇگىن فۋتبولدان UEFA چەمپيوندار ليگاسى توپتىق كەزەڭىنىڭ ءبىرىنشى تۋرى اياقتالدى، دەپ حابارلايدى قازاقپارات ءتىلشىسى.
بۇل كۇنى A، B، C، D توپتارىنداعى كوماندالار ءوزارا كەزدەستى.
س توبىندا ويىن كورسەتەتىن يسپانيالىق «رەال مادريد» ءوز الاڭىندا گەرمانيانىڭ «ۋنيون بەرلين» كومانداسىن قابىلداعان ەدى.
گەرمانيالىق كلۋب بيىل ءوز تاريحىندا تۇڭعىش مارتە چەمپيوندار ليگاسى توپتىق كەزەڭىندە ب ا ق سىناپ وتىر. سوعان قاراماستان ازۋلى قارسىلاسىنا لايىقتى توتەپ بەرە ءبىلدى. الاڭ يەلەرى تولاسسىز شابۋىلعا كوڭىل ءبولدى. دەسە دە سوڭعى مينۋتتارعا دەيىن قارسىلاس قاقپاسىنان ساڭىلاۋ تابا الماي جاتتى.
ويىننىڭ 94-مينۋتىندا دجۋد بەللينگەم سوققان جالعىز گول «رەال مادريد» كومانداسىنا جەڭىس الىپ كەلدى.
وسىلايشا يسپانيالىق كوماندا قارسىلاسىنان 1:0 ەسەبىمەن باسىم ءتۇستى.