بۇل قارالى حاباردى فب پاراقشاسىندا ۇلىقبەك ەسداۋلەت جاريالادى.
اقىن، سىنشى، جۋرناليست قۋانبەك بوقايەۆ قايتىس بولدى، دەپ حابارلايدى Almaty-akshamy.kz
"ۇلكەن-كىشىگە ىلتيپات-ىزەتى مەن ۇلگى-ونەگەسى بىردەي، كىشىپەيىل، ۇلكەن جۇرەكتى جان ەدى. “ەگەمەن قازاقستان”، ”حالىق كەڭەسى” باسىلىمدارىندا، “قازتاگ” اقپارات اگەنتتىگىندە، قازاق راديوسىندا، “قازاق ادەبيەتى” گازەتىندە ابىرويلى قىزمەت ىستەپ، قوعامداعى كوكەيكەستى ماسەلەلەردى كوتەرگەن وتكىر ماقالالارىمەن ەسىمى تانىلعان، ەل رۋحانياتىنا ەڭبەگى سىڭگەن جۋرناليست ەدى. قازاقستان جازۋشىلار وداعى سىيلىعىنىڭ لاۋرەاتى اتانعان. اقىندىعى مەن سىنشىلىق قىرىنىڭ ءوزى ءبىر توبە بولاتىن. قالامداس اعامىزدىڭ الدىنان جارىلقاسىن"، - دەگەن جازباسىمەن ۇلىقبەك ەسداۋلەت مارقۇمنىڭ وتباسىنا كوڭىل ايتتى.