تانىمال قازاقستاندىق ورىنداۋشىلار ەڭلىك، ميراس جۇگىنىسوۆ جانە ZAQ inDrive.مەجگورود جوباسىمەن بىرلەسە وتىرىپ، قازاقستان تاريحىنداعى ەڭ ۇزاق سايفەردى جازىپ، 35 مينۋتتىق ترەككە 250-دەن استام قاتىسۋشىنى بىرىكتىردى، دەپ حابارلايدى aqshamnews.kz El.kz اقپارات اگەنتتىگىنە سىلتەمە جاساپ.
جوبا جاڭادان باستاعان ارتىستەرگە ۇلكەن ساحنادا وزدەرىن كورسەتۋگە مۇمكىندىك بەرىپ، قازاقستان مادەنيەتىنىڭ كوپتۇرلىلىگى مەن بىرلىگىن بەينەلەيتىن بىرەگەي مۋزىكالىق شىعارما جاسادى. سايفەر – حيپ-حوپ مادەنيەتىندە بىرنەشە ءارتىس ءبىر بيتكە كەزەك-كەزەك ءوز كۋپلەتتەرىن ورىندايتىن ۇجىمدىق ورىنداۋ ءتۇرى. inDrive.مەجگورود جوباسى اياسىندا سايفەر اۋقىمدى سيپاتقا يە بولىپ، قازاقستاننىڭ تۇكپىر-تۇكپىرىنەن جۇزدەگەن ورىنداۋشىنى ءبىر ترەككە بىرىكتىردى.
جوبا 17 شىلدەدە قازاقستاندىق تانىمال ورىنداۋشىلار ەڭلىك، ميراس جۇگىنىسوۆ جانە ZAQ-پەن بىرگە باستالدى. جوبا اياسىندا كەز كەلگەن ادام قاتىسا الاتىن چەللەندج جاريالاندى. ول ءۇشىن اركىم ءوز قالاسى تۋرالى اۆتورلىق كۋپلەتتى كەز كەلگەن تىلدە جازىپ، TikTok-قا ءۇش ورىنداۋشىنىڭ بىرىمەن دۋەت رەتىندە #inDriveCypher حەشتەگىمەن جۇكتەۋ كەرەك بولدى. ناتيجەسىندە 250-دەن استام ادام جوباعا قاتىسىپ، ەل تاريحىنداعى ەڭ ۇزاق سايفەردىڭ 35 مينۋتتىق ترەگىنىڭ اۆتورلارى اتاندى.
تامىزدىڭ سوڭىندا جوبا ۇيىمداستىرۋشىلارى ءۇش جەڭىمپازدى تاڭدادى، ولار: ساپارحان پەردەباي (Sapar)، ايدىن تەمىربەكوۆا (ATEM) جانە سۇڭقار ايدىن ۇلى (Aqsunkar). جەڭىمپازدار سىيلىق رەتىندە ZAQ، ەڭلىك جانە ميراس جۇگىنىسوۆپەن بىرگە ترەكتىڭ تولىق نۇسقاسىن جازىپ، بەينەبايانعا ءتۇسىپ شىقتى. «JOL» ترەگى قازاق تىلىنەن اۋدارعاندا جول دەگەندى بىلدىرەدى. بۇل ءان ۇيگە، باستاۋلارعا ورالۋ تۋرالى، ءار ادام ءۇشىن ماڭىزدى نارسەلەر تۋرالى. ونىڭ كومەگىمەن اۆتورلار كوپشىلىككە تانىس تۋعان جەرگە ورالۋدىڭ جىلى سەزىمىن جەتكىزگىسى كەلدى. سونداي-اق ءار ادامنىڭ وزىندىك ەرەكشە جولى بار ەكەنىن، دۇرىس تاڭداۋ جاساپ، ىشكى تىنىشتىق پەن سەنىمدىلىكتى ساقتاۋدىڭ ماڭىزدى ەكەنىن ەسكە سالعىسى كەلدى.
جوبا جەڭىمپازى ساپارحان پەردەباي:
مەن تاڭعالىپ، بۇل جاعدايعا سەنبەدىم، ويتكەنى مەن رەپپەن اينالىسقانىما نەبارى ءۇش اي بولدى. ماعان كوللابوراسيا تۋرالى حابارلاعان كەزدە قۋانىشتان ەسىمنەن تانىپ قالا جازدادىم، – دەپ ءوز اسەرىن ءبولىستى.
inDrive.مەجگورود جاھاندىق ماركەتينگىنىڭ جەتەكشىسى ۆالەنتينا كۋليكوۆا كومپانيانىڭ ءارقاشان يننوۆاسيالارعا جانە شىعارماشىلىق باستامالاردى قولداۋعا ۇمتىلاتىنىن اتاپ ءوتتى.
«ەڭ ۇزاق سايفەر» جوباسى – بۇل تەك مۋزىكالىق ەكسپەريمەنت قانا ەمەس، ول بۇكىل قازاقستاننان تالانتتى ادامداردى بىرىكتىرىپ، ولارعا ءوزىن-وزى كورسەتۋگە ارنالعان پلاتفورما ۇسىنۋ مۇمكىندىگى. ءبىز ءوز كومپانيامىزدىڭ رۋحىن جانە ەلدىڭ مادەني ارتۇرلىلىگىن بەينەلەيتىن بىرەگەي نارسەنى جاساعانىمىزعا ماقتانامىز، - دەدى كۋليكوۆا.
بۇل كۇتپەگەن جانە بىرەگەي جوبا بولدى. ءوزى ءىسىن شىن سۇيەتىن ادامدارمەن جۇمىس ىستەگەنىمە قۋانىشتىمىن! – دەيدى قازاقستاندىق ءانشى ەڭلىك.
بەينەباياننىڭ سوڭعى نۇسقاسى جاقىندا كورۋگە قولجەتىمدى بولادى، ال ءقازىر جوبانىڭ قىسقا نۇسقاسىن YouTube-تەن كورۋگە بولادى.