بەلگيا استاناسى بريۋسسەلدە كليماتتىڭ وزگەرۋىنە قارسى شەرۋ ءوتتى.
پوليسيانىڭ مالىمەتىنشە، شاراعا 20 مىڭنان استام ادام قاتىسقان. ەكولوگيالىق ۇيىمدار نارازىلىق اكسياسىن كليماتتىڭ وزگەرۋى جونىندەگى بۇۇ-نىڭ دۋبايدا ءوتىپ جاتقان كونفەرەنسياسىنا بايلانىستى ۇيىمداستىردى. ەلدىڭ تۇكپىر-تۇكپىرىنەن جينالعان جۇرت جاھان كوشباسشىلارىنان عالامدىق جىلىنۋدى توقتاتۋعا قاتىستى ناقتى شارالار قابىلداۋدى تالاپ ەتتى، دەپ حابارلايدى Almaty-akshamy.kz
«عالامدىق جىلىنۋ سۋ تاسقىنىنا اكەلە مە دەپ قورقامىن. دۋبايداعى شاراعا جينالعان الەم كوشباسشىلارى كليماتتىڭ وزگەرۋىنە قارسى مويىندارىنا العان مىندەتەممەلەرىن ورىنداۋى ءتيىس»، - دەدى شەرۋگە قاتىسۋشى اگنەسسا پەري.
«ءبىز بيلىكتەگىلەردەن قىستا توڭبايتىنداي ۇيلەرىمىزدى جاقسىلاپ قاپتاۋدى، قوعامدىق كولىكتەردى جەتىلدىرۋدى، قورشاعان ورتانى لاستاۋدى ازايتىپ، اۋانى تازارتۋعا باسىمدىق بەرۋدى تالاپ ەتەمىز»، - دەيدى كليماتتىق كواليسيانىڭ پرەزيدەنتى نيكولاس ۆان نۋفەل.