قوعام بەلسەندىسى بولاشاق «دوستىق» ستانسياسىنا «باۋىرجان مومىش ۇلى» اتاۋىن بەرۋ تۋرالى باستامانى قولدادى.
باۋىرجان مومىش ۇلى تاريحقا ۇلى وتان سوعىسىنىڭ باتىرى جانە جازۋشى رەتىندە ەندى، سوندىقتان ونىڭ ەسىمىن وسكەلەڭ ۇرپاق ءۇشىن ماڭگى ەستە قالدىرۋ وتە ماڭىزدى. ەۋرازيالىق فرانچايزينگ قاۋىمداستىعىنىڭ جەتەكشىسى، الماتى قوعامدىق كەڭەسىنىڭ مۇشەسى بەكنۇر قيسىقوۆ وسىنداي پىكىردە، دەپ حابارلايدى Almaty-akshamy.kz.
«قازاقستاننىڭ ازاماتى، وعان قوسا جازۋشى رەتىندە باۋىرجان مومىش ۇلى ەسىمى مەنىڭ جۇرەگىمە جاقىن. مەترو ستانسياسىن باۋىرجان مومىش ۇلى ەسىمىمەن اتاۋ كەرەمەت باستاما. ويتكەنى ول - ءبىزدىڭ ەلىمىزدىڭ سيمۆولى، ۇلتىمىزدىڭ ماقتانىشى مەن داڭقى»، - دەپ ويىمەن ءبولىستى قالالىق قوعامدىق كەڭەس مۇشەسى.