بەيسەنبىگە ارنالعان اۋا رايى بولجامى

"قازگيدرومەت" 7 ساۋىرگە ارنالعان اۋا رايى بولجامىن ۇسىنادى.

ەلدىڭ سولتۇستىك، سولتۇستىك-باتىس، شىعىس بولىگى انتيسيكلوننىڭ ىقپالىندا بولادى. ال رەسپۋبليكانىڭ باتىسى، وڭتۇستىگى، وڭتۇستىك-شىعىسى وڭتۇستىك سيكلون جىراسىنىڭ ىقپالى اسەر ەتەدى. مۇندا فرونتالدى بولىكتەردىڭ وتۋىمەن جاڭبىر جاۋادى، دەپ حابارلايدى Almaty-akshamy.kz 

رەسپۋبليكا بويىنشا جەلدىڭ كۇشەيۋى، سولتۇستىكتە، باتىستا، ورتالىقتا تۇمان، وڭتۇستىك-باتىستا شاڭدى داۋىل، وڭتۇستىگىندە، تاۋلى ايماقتاردا نايزاعاي كۇتىلەدى.

تۇندە جانە تاڭەرتەڭ اقمولا وبلىسىنىڭ وڭتۇستىگىندە تۇمان تۇسەدى.

كۇندىز الماتى وبلىسىنىڭ باتىسىندا، شىعىسىندا جەل 15-20، ەكپىنى 25 م/س كۇشەيەدى، باتىسىندا، وڭتۇستىگىندە جانە تاۋلى اۋداندارىندا نايزاعاي جارقىلدايدى.

تۇركىستان وبلىستىڭ وڭتۇستىگىندە جانە تاۋلى اۋداندارىندا جەل 15-20 م/س كۇشەيەدى، تاۋلى اۋداندارىندا نايزاعاي ويناپ، داۋىل سوعادى دەپ كۇتىلەدى.

باتىس قازاقستان وبلىسىنىڭ سولتۇستىگىندە تۇمان بولادى.

تۇندە اتىراۋ وبلىسىنىڭ شىعىسىندا جەل 15-20 م/س كۇشەيەدى.

ماڭعىستاۋ وبلىسىنىڭ سولتۇستىك-شىعىسىندا جەل 15-20 م/س، كۇندىز شاڭدى داۋىل بولادى. تۇندە اقتوبە وبلىسىنىڭ سولتۇستىك-شىعىسىندا كوكتايعاق بولۋى ىقتيمال.

قوستاناي وبلىسىنىڭ باتىسىندا، سولتۇستىگىندە جەل 15-20 م/س، كۇندىز ەكپىنى 23 م/س كۇشەيەدى، تۇندە جانە تاڭەرتەڭ وڭتۇستىك-باتىسىندا تۇمان تۇسەدى.

تۇندە جانە تاڭەرتەڭ سولتۇستىك قازاقستان وبلىسىنىڭ وڭتۇستىگىندە تۇمان تۇسەدى، كۇندىز سولتۇستىگىندە، باتىسىندا جەل 15-20 م/س كۇشەيەدى.

تۇندە پاۆلودار وبلىسىنىڭ وڭتۇستىك-باتىسىندا تۇمان تۇسەدى.

تۇندە جانە تاڭەرتەڭ قاراعاندى ​​وبلىسىنىڭ سولتۇستىگىندە، ورتالىعىندا تۇمان ءتۇسىپ، كۇندىز وڭتۇستىك-شىعىسىندا نايزاعاي جارقىلدايدى.

شىعىس قازاقستان وبلىسىنىڭ وڭتۇستىك-باتىسىندا جەل 15-18 م/س كۇشەيەدى. تۇندە جانە تاڭەرتەڭ جامبىل وبلىسىنىڭ وڭتۇستىك-باتىسىندا جانە تاۋلى اۋداندارىندا جەلدىڭ جىلدامدىعى 15-20، كەي ۋاقىتتا 25 م/س دەيىن جەتەدى.