بەيسەنبى قانداي اۋا رايى بولجامى كۇتىلەدى؟

ەلدىڭ باسىم بولىگىندە بۇرقاسىندى، تۇماندى اۋا رايى بولادى

11 قاراشا كۇنى رەسپۋبليكانىڭ باسىم بولىگىندەگى اۋا رايىن سيكلون جىراسى جانە سونىمەن بايلانىستى اتموسفەرالىق فرونتتار انىقتايدى. سوعان وراي جاۋىن-شاشىن كۇتىلىپ، سولتۇستىك وڭىرلەردە جاڭبىردىڭ سوڭى قارعا ۇلاسادى. ەلىمىزدىڭ شىعىسى، ورتالىعى جانە وڭتۇستىگى جوعارى قىسىمدى القاپ ىقپالىندا بولعاندىقتان، كوبىنە جاۋىن-شاشىنسىز كۇن رايى بولجانادى. قازاقستاننىڭ باسىم اۋماعىندا جەلدىڭ كۇشەيۋى، سولتۇستىك اۋدانداردا جاياۋ بۇرقاسىن، كوكتايعاق، تۇمان بولادى. سونداي-اق باتىس، سولتۇستىك-باتىس جانە وڭتۇستىكتىڭ تاۋلى اۋداندارىندا تۇمان كۇتىلەدى، دەپ حابارلايدى Almaty-akshamy.kz قازاقپاراتقا سىلتەمە جاساپ.

اتاپ ايتقاندا، اقمولا وبلىسىندا كوكتايعاق، جاياۋ بۇرقاسىن، 15-20 م/س ەكپىندە جەل تۇرادى.

اقتوبە وبلىسىندا كوكتايعاق، جاياۋ بۇرقاسىن، كۇندىز وبلىستىڭ شىعىسىندا جەلدىڭ كۇشى 5-20 م/س ارتادى. قوستاناي وبلىسىنىڭ سولتۇستىك جانە شىعىسىندا، سولتۇستىك قازاقستان وبلىسىنىڭ سولتۇستىك-باتىسىندا كوكتايعاق، جاياۋ بۇرقاسىن، تۇمان، 15-20 م/س جىلدامدىقتا جەل كۇتىلەدى.

پاۆلودار وبلىسىندا تۇمان، كوكتايعاق، جاياۋ بۇرقاسىن، 15-20 م/س ەكپىندە جەل بولجانادى. الماتى وبلىسىنىڭ الاكول كولدەرى اۋدانىندا، شىعىس قازاقستان وبلىسىنىڭ جارما اۋدانىندا جەلدىڭ كۇشى 15-23 م/س قۇرايدى. ق

اراعاندى وبلىسىنىڭ وڭتۇستىك-شىعىسىندا، باتىس قازاقستان وبلىسىنىڭ سولتۇستىگىندە تۇندە جانە تاڭەرتەڭ، وڭتۇستىك قازاقستان، جامبىل وبلىستارىنىڭ تاۋلى جانە وڭتۇستىك اۋداندارىندا تۇمان، تۇندە باتىس قازاقستان وبلىسىنىڭ شىعىسىندا جەل 15-20 م/س كۇشەيۋى كۇتىلەدى.

اتىراۋ وبلىسىنىڭ شىعىسىندا، قىزىلوردا وبلىسىنىڭ سولتۇستىك-باتىسىندا جەلدىڭ ەكپىنى 15-20 م/س قۇرايدى. ماڭعىستاۋ وبلىسىنىڭ سولتۇستىك-باتىسىندا، شىعىسىندا جەل 15-20 م/س ارتادى، تۇندە ەكپىنى 23 م/س جەتەدى. تۇندە جانە تاڭەرتەڭ وبلىستىڭ سولتۇستىگىندە كوكتايعاق بولادى.