بەيسەنبى كۇنى اۋا رايى قانداي بولادى؟

"قازگيدرومەت" 17 اقپانعا ارنالعان اۋا رايى بولجامىن ۇسىنادى

قازاقستاننىڭ باسىم بولىگى انتيسيكلوننىڭ ىقپالىندا بولادى، جاۋىن-شاشىنسىز اۋا رايى كۇتىلەدى، دەپ حابارلايدى Almaty-akshamy.kz 

تەك رەسپۋبليكانىڭ باتىسى، سولتۇستىگى، وڭتۇستىك-شىعىسىنداعى تاۋلى اۋداندار ارقىلى اتموسفەرالىق فرونتتار قار مەن جاياۋ بۇرقاسىن اكەلۋى مۇمكىن.

رەسپۋبليكانىڭ كەي جەرلەرىندە تۇمان ءتۇسىپ، جەل كۇشەيەدى، ەلدىڭ وڭتۇستىك-شىعىسىندا كوكتايعاق بولادى. تۇندە وڭتۇستىك-باتىستا، باتىستا، كۇندىز سولتۇستىك قازاقستان وبلىسىنىڭ باسىم بولىگىندە جەل 15-20 م/س كۇشەيەدى، وبلىستىڭ سولتۇستىگىندە، شىعىسىندا جاياۋ بۇرقاسىن كۇتىلەدى.

اقمولا وبلىسىنىڭ سولتۇستىگىندە، شىعىسىندا جەلدىڭ كۇشەيۋى، جاياۋ بۇرقاسىن، باتىسىندا، وڭتۇستىگىندە تۇمان كۇتىلەدى.

شىعىس قازاقستان وبلىسىنىڭ سولتۇستىك-شىعىسىندا جاياۋ بۇرقاسىن، وڭتۇستىگىندە تۇمان كۇتىلەدى.

جامبىل وبلىسىنىڭ سولتۇستىگىندە، تاۋلى اۋداندارىندا تۇمان، تاڭەرتەڭ جانە كۇندىز سولتۇستىك-شىعىستا، وبلىستىڭ تاۋلى اۋداندارىندا جەل 15-20 م/س جىلدامدىقپەن سوعادى.

تۇركىستان وبلىسىنىڭ وڭتۇستىگىندە، باتىسىندا، تاۋلى اۋداندارىندا تۇمان، تاۋلى اسۋلاردا جەل 15-20 م/س كۇشەيەدى.

تۇندە الماتى وبلىسىنىڭ تاۋلى اۋداندارىندا تۇمان، كوكتايعاق كۇتىلەدى.

باتىس قازاقستان وبلىسىنىڭ سولتۇستىگىندە، شىعىسىندا، اتىراۋ وبلىسىنىڭ سولتۇستىگىندە، شىعىسىندا، ورتالىعىندا، ماڭعىستاۋدىڭ سولتۇستىگىندە، قىزىلوردا، اقتوبە وبلىسىنىڭ باتىسىندا، قوستاناي وبلىسىنىڭ وڭتۇستىگىندە، تۇندە قاراعاندى وبلىسىنىڭ باتىسىندا، شىعىسىندا تۇمان بولادى.