ماڭعىستاۋ وبلىسىنىڭ بەينەۋ اۋىلىندا ەكى بالا جابايى جانۋار شابۋىلىنان جەڭىل جاراقات الدى. بۇل تۋرالى وڭىرلىك دەنساۋلىق ساقتاۋ باسقارماسى مالىمدەدى، - دەپ حابارلايدى Aqshamnews.kz.
21 قاراشادا ورتالىق اۋداندىق اۋرۋحانانىڭ تراۆمپۋنكتىنە اتا-انالارىمەن بىرگە ەكى بالا جۇگىنگەن. مەديسينالىق دەرەكتەرگە سايكەس، مەكتەپ وقۋشىلارىنا قارساق (دالا تۇلكىسى) دەپ كورسەتىلگەن جانۋار شابۋىل جاساعان.
2011 جىلى تۋعان ءجاسوسپىرىمنىڭ وڭ اياق سيراعىنان، ال 2018 جىلعى بالانىڭ سول اياعىنان جارا انىقتالعان. دارىگەرلەر ولارعا قاجەتتى ۆاكسينالاردى ەنگىزگەن. قازىرگى ۋاقىتتا بالالاردىڭ جاعدايى قاناعاتتانارلىق، ولار امبۋلاتورلىق باقىلاۋدا.
ايماقتىق ەكولوگيالىق كەڭەس ءتوراعاسى ادىلبەك قوزىباقوۆ جانۋاردىڭ سۋرەتىن زەرتتەي كەلە، ونىڭ قارساقتان گورى كادىمگى تۇلكىگە كوبىرەك ۇقسايتىنىن اتاپ ءوتتى. ونىڭ ايتۋىنشا، جابايى اڭدار قۇتىرۋ ۆيرۋسىن تاسىمالداۋى مۇمكىن، سوندىقتان ولاردان ساق بولۋ قاجەت.
مامان مۇنداي جاعداي بولعاندا بىردەن ءتيىستى قىزمەتتەرگە حابارلاپ، كەز كەلگەن جاراقات كەزىندە دەرەۋ مەديسينا قىزمەتكەرلەرىنە جۇگىنۋ كەرەگىن ەسكەرتتى.