ۋكراينا، بەلارۋس جانە رەسەيدىڭ وكىلدەرى لاۋرەات اتاندى.
سىيلىقتى بەلارۋس ەلىنىڭ قۇقىق قورعاۋشىسى الەس بەلياسكيي، ۋكراينانىڭ «ازاماتتاردىڭ بوستاندىعى ورتالىعى» ۇيىمى مەن رەسەيلىك «مەموريال» قۇقىق قورعاۋ ورتالىعى الدى، دەپ حابارلايدى Almaty-akshamy.kz
«نوبەل سىيلىعىنىڭ جاڭا لاۋرەاتتارى ءوز ەلدەرىندە ازاماتتىق قوعام، ەركىندىك پەن ادامنىڭ بوستاندىعى ءۇشىن كۇرەسىپ كەلەدى. سول سەبەپتەن ولارعا سىيلىق بەرىلدى. ولار رەسەي، ۋكراينا مەن بەلارۋست بيلىگىندەگى سىبايلاس جەمقورلىقتى، بيلىكتى اسىرا پايدالانۋدى دالەلدەپ، حاتقا تۇسىرگەن. سونداي-اق ولار اسكەري قىلمىستىڭ بەتىن اشىپ، ادامنىڭ ءسوز بوستاندىعى مەن كونستيتۋسيالىق قۇقىقتارى بۇزىلعان جاعدايلاردى انىقتاعان»، – دەلىنگەن نوبەل كوميتەتىنىڭ الەۋمەتتىك جەلىدەگى ماتەريالىندا.