2023 جىلدىڭ 10 ماۋسىمىندا ق ر ۇقك شەكارا اكادەمياسىن 30-عا جۋىق شەتەلدىك كۋرسانت ءبىتىردى.
وقۋلارىن ويداعىداي اياقتاعان شەكاراشى كۋرسانتتار ەندى ءوز ەلدەرىنە اتتانادى، دەپ حابارلايدى Almaty-akshamy.kz.
تاجىكستان جانە قىرعىز رەسپۋبليكاسىنان كەلگەن بۇل كۋرسانتتار شەكارا اكادەمياسىندا ءتورت جىل بويى وقىپ، شەكارا قىزمەتىنىڭ قىر-سىرىنا قانىقتى. ەندى وزدەرىنە جۇكتەلگەن جاۋاپتى مىندەتتى ابىرويلى اتقارىپ قىزمەتتەرىن ءارى قاراي جالعاستىرماق.
پولكوۆنيك ز.امبارسۋميان جەتەكشىلىك ەتەتىن 5-وقۋ ديۆيزيونى 4-كۋرس كۋرسانتتارىنىڭ قۋانىشىندا شەك جوق. قازاقستاندا ءبىلىم الىپ، شەكاراشى وفيسەر اتانىپ وتىرعان باۋىرلاس ەلدىڭ كۋرسانتتارى اكادەميا الدىنا جينالىپ، ءبىر سىزىقتىڭ بويىنا ساپ تۇزەدى.
ايتا كەتۋ كەرەك، بيىلعى ءبىتىرىپ وتىرعان كۋرسانتتاردىڭ اراسىنان ۇزدىك ديپلوم ايىر قالپاقتى اعايىندارعا بۇيىردى. ول - قىرعىزستاندىق كۋرسانت جۋنۋسبەكوۆ اباي باعىبايەۆيچ.
سالتاناتتى شارا باستالماس بۇرىن ءبىزدىڭ جانە دوستاستىق ەلدەردىڭ مەملەكەتتىك ءانۇرانى ورىندالدى. ءوز كەزەگىندە العاش بولىپ ءسوز العان
«قۇرمەتتى تۇلەكتەر، قۇرمەتتى قوناقتار! بۇگىن ءبىز شەكارا اكادەمياسىنىڭ ومىرىندە تاعى ءبىر ماڭىزدى وقيعانىڭ كۋاسىنە اينالىپ وتىرمىز. اكادەميا جىلداعى قالىپتاسقان داستۇرىنەن اينىماي تاجىكستان رەسپۋبليكاسى مەن قىرعىز رەسپۋبليكاسىنىڭ دوستاستىق ەلدەر ءۇشىن جاس وفيسەر كادرلارىن ءتورت جىل بويى وقىتىپ، شىعارىپ سالۋ ءراسىمىن وتكىزىپ وتىر. مۇنداعى ءار تۇلەك ءۇشىن ءبۇل كۇن ەرەكشە ماڭىزدى. اكادەميا قابىرعاسىندا العان بىلىمدەرىڭىز بەن تاجىريبەلىك داعدىلارىڭىز سىزگە ءوز ەلدەرىڭىزدىڭ مەملەكەتتىك شەكاراسىن قورعاۋعا كومەتەسەدى دەپ سەنەمىن. ول ءۇشىن ءسىز ءوز ەلىڭىزدىڭ يگىلىگى ءۇشىن تالماي قىزمەت اتقارۋعا ءتيىسسىز. سىزدە زاماناۋي ءبىلىم مەن كەرەمەت اسكەري دايىندىق بار. وسى ايتۋلى ءساتتى پايدالانا وتىرىپ، اكادەميانىڭ پروفەسسورلىق-وقىتۋشىلار قۇرامىنا دوستاس ەلدەر ءۇشىن جاس وفيسەرلەردى وقىتقانى جانە تاربيەلەگەنى ءۇشىن العىسىمدى بىلدىرگىم كەلەدى. ءسىز ءوزىڭىزدىڭ بىلىمىڭىزبەن جانە جەتىستىكتەرىڭىزبەن وفيسەرلىك اتاققا سىن كەلتىرمەي جوعارى ۇستايتىندىعىڭىزعا سەنىمدىمىن. قۇرمەتتى تۇلەكتەر! شەكارا اكادەمياسىنىڭ قولباسشىلىعى مەن بارلىق جەكە قۇرامىنىڭ اتىنان سىزدەردى وقۋدى ءساتتى اياقتاپ «لەيتەنانت» اسكەري اتاعىن الۋىڭىزبەن قۇتتىقتايمىن »، - دەدى اكادەميا باستىعى پولكوۆنيك پ.پوليۆانوۆ.
سودان كەيىن اتا-انالار مەن كۋرسانتتار ورتاعا شىعىپ جۇرەك جاردى جىلى لەبىزدەرىن ءبىلدىرىپ، اكادەميا ۇجىمىنا العىسىن ءبىلدىردى.